காதலியின் நடத்தையில் சந்தேகம் – உதடு, மூக்கு, காதுகளை வெட்டிய 79 வயது "தாத்தா" காதலர்!
சாங்குவா: தைவான் நாட்டில் காதலியின் நடத்தையில் சந்தேகம் ஏற்பட்டதால் அவரது மூக்கு, காது, உதடுகளை வெட்டி எறிந்த சம்பவம் பெரும் அதிர்ச்சியை ஏற்படுத்தியுள்ளது.
தைவான் நாட்டின் மத்திய சாங்குவா நகரைச் சேர்ந்தவர் ஹூவாங் சென் 79 வயதானவர். அவருடைய காதலி சூ கெய் 47 வயதானவர்.
சூ கெய் யோகா டீச்சராக உள்ளார். பணக்காரரான சென் தனது துணையாக இருப்பதற்காக யோகா டீச்சரான கெய்க்கு மாதம் 2 ஆயிரம் அமெரிக்க டாலர் கொடுத்து வந்தார்.
நடத்தையில் சந்தேகம்:
சமீப காலமாக சூ கெய்யின் நடத்தையில் சென்னுக்கு சந்தேகம் வந்தது. இதையடுத்து, கடந்த வியாழக்கிழமை காதலி வீட்டில் படுக்கையில் தூங்கி கொண்டு இருந்தார்.
துண்டு, துண்டாய் வெட்டியவர்:
அப்போது சென் அவரை கட்டிப்போட்டார். பின்னர், கத்தியால் காதலியின் மூக்கு, காதுகள், உதடுகளை துண்டு துண்டாக வெட்டினார். அவற்றை கழிப்பறை கோப்பைக்குள் போட்டு மறைத்தார். பின்னர் அவசர பிரிவுக்கு அழைப்பு விடுத்தார்.
வெட்டப்பட்ட உறுப்புகள்:
காதலி சங்குவா மருத்துவமனையில் சேர்க்கப்பட்டு சிகிச்சை பெற்று வருகிறார். மருத்துவமனை தலைமை மருத்துவர் கூறும் போது, "பெண்ணின் வெட்டிய உறுப்புகளை தேடிபார்த்தோம்.
முகத்தை சீரமைப்பது கடினம்:
அனைத்தும் கூர்மையான கத்தியால் துண்டு துண்டாக வெட்டப்பட்டு உள்ளது. மீண்டும் முகத்தை சீரமைப்பது மிகவும் கடினம்" என கூறினார். கைது செய்யபட்ட ஹூவாங் இப்போது சிறையில் கம்பி எண்ணிக்கொண்டிருக்கிறார்.
Click it and Unblock the Notifications
Sign in with Google