சின்ன போலீஸ்.. பெரிய போலீஸ்.. வைரல் ஆன ஆஸி. போலீஸ்காரர்களின் புகைப்படம்!
கெய்ர்ன்ஸ், ஆஸ்திரேலியா: ஆஸ்திரேலியாவின் குவீன்ஸ்லாந்து போலீஸ்காரர்களின் புகைப்படம் ஒன்று இன்டர்நெட்டில் வைரல் ஆகியுள்ளது.
ஆண் போலீஸ்காரர் ஜான் மற்றும் பெண் போலீஸ்காரர் மோனிக் ஆகியோரின் புகைப்படம்தான் அது.
இது வைரல் ஆனதற்கு காரணம், ஜான், கிட்டத்தட்ட சத்யராஜை விட செம ஹைட்டில் இருக்கிறார். மோனிக்கோ குள்ளமாக இருக்கிறார். இருவரின் இந்த வித்தியாச தோற்றம்தான் புகைப்படம் வைரல் ஆனதற்குக் காரணம்.
குவீன்ஸ்லாந்து போலீஸ்
குவீன்ஸ்லாந்து காவல்துறையே இந்தப் படத்தை வெளியிட்டுள்ளது. குற்றம் எந்த வகையாக இருந்தாலும் வகை வகையாக போலீஸார் எங்களிடம் உண்டு என்ற வாசகத்துடன் இந்தப் புகைப்படத்தை குவீன்ஸ்லாந்து போலீஸ் துறை வெளியிட்டுள்ளது.
கெய்ர்ன்ஸ் காவலர்கள்
கெய்ர்ன்ஸ் நகர காவல்துறையில் இந்த இரு போலீஸ்காரர்களும் பணியாற்றி வருகிறார்கள். இம்கர் மூலம் பதிவிடப்பட்ட இந்த புகைப்படம் இப்போது வைரல் ஆகியுள்ளது.
ஜான் - மோனிக்
காவலர் ஜானின் உயரம் 6 அடி 9 அங்குலமாகும். மோனிக்கின் உயரம் 5 அடி ஒரு அங்குலமாகும்.
உயரம் எப்படி இருந்தாலும்
இவர்களின் உயரத்தைப் பற்றிக் கவலைப்படாதீர்கள். உயரம் மாறுபட்டதாக இருந்தாலும் கெய்ர்ன்ஸ் நகர பாதுகாப்பை இவர்கள் உறுதி செய்கிறார்கள்.
வகை வகையான போலீஸ்
எந்த வகையான பிரச்சினையாக இருந்தாலும், குற்றமாக இருந்தாலும் வகை வகையான போலீஸார் எங்களிடம் உள்ளனர் என்று குவீன்ஸ்லாந்து காவல்துறை தெரிவித்துள்ளது.