கலாம் அங்கிளின் '2020' கனவை நனவாக்குவோம்: ஷார்ஜாவில் இந்திய பள்ளி மாணவர்கள் உறுதிமொழி

ஷார்ஜா: ஷார்ஜாவில் அறிவியல் இந்தியப் பேரவையின் சார்பில் மறைந்த முன்னாள் குடியரசுத் தலைவர் அப்துல் கலாமுக்கு இரங்கல் கூட்டம் நடத்தப்பட்டது.

மறைந்த முன்னாள் குடியரசுத் தலைவர் அப்துல் கலாமுக்கு இந்தியா மட்டும் அல்ல உலகின் பல்வேறு நாடுகளில் உள்ள மக்களும் அஞ்சலி செலுத்தியுள்ளனர்.

இந்நிலையில் ஷார்ஜாவில் கலாமுக்கு இரங்கல் கூட்டம் நடத்தப்பட்டது.

ஷார்ஜாவில் அறிவியல் இந்தியப் பேரவை ஏற்பாடு செய்திருந்த இரங்கல் கூட்டம் ஷார்ஜா இந்தியன் அசோஷியனில் நடைபெற்றது. இந்த கூட்டத்தில் இந்திய சமூகத்தினர் பலர் பங்கேற்றனர்.

இந்தியப் பள்ளிகளைச் சேர்ந்த மாணவர்கள் பங்கேற்று கலாமின் 2020 கனவை நிறைவேற்ற பாடுபடுவதாக உறுதி எடுத்துக் கொண்டனர். நிகழ்ச்சிக்கான ஏற்பாடுகளை கோபகுமார் நாயர் தலைமையிலான குழுவினர் செய்திருந்தனர்.

English summary

Condolence meet for former president Abdul Kalam was held in Sharjah. Indian students pleged to work hard to make Kalam's dream of India Vision 2020 to come true.