குப்பை அள்ளி வளர்த்த தாயின் காலில் விழுந்து வணங்கிய மிஸ் தாய்லாந்து
பாங்காக்: மிஸ் தாய்லாந்து அழகிப் பட்டம் வென்ற 17 வயது பெண் குப்பை அள்ளும் தனது தாயின் காலில் விழுந்து நன்றி செலுத்தியபோது எடுக்கப்பட்ட புகைப்படம் பிரபலமாகியுள்ளது.
மிஸ் தாய்லாந்து அழகிப் பட்டம் வென்றுள்ளார் 17 வயதே ஆன கனித்தா பசேங். அவரின் தாய் தனி ஆளாக கனித்தாவை வளர்த்து ஆளாக்கியுள்ளார். கனித்தாவின் தாய் குப்பைகளை அள்ளும் வேலை செய்து வருகிறார்.
அழகிப் போட்டி முடிந்த கையோடு கனித்தா நேராக தனது தாயை பார்க்க வீட்டிற்கு வந்தார். வழக்கம் போல் குப்பைத் தொட்டிகளுடன் நின்று கொண்டிருந்த தாயின் காலில் விழுந்து அவர் நன்றி தெரிவித்தார். அப்போது எடுக்கப்பட்ட புகைப்படம் இணையதளங்களில் பிரபலம் ஆகியுள்ளது.
தலையில் கிரீடத்துடன் தாயின் காலில் விழுந்து வணங்கிய கனித்தாவின் பாசத்தை பார்த்து உலக மக்கள் வியக்கிறார்கள்.
இது குறித்து கனித்தா கூறுகையில்,
என் தாய் குப்பை அள்ளி கஷ்டப்பட்டு என்னை வளர்த்தார். அவரின் கடின உழைப்பால் தான் நான் இன்று நல்ல நிலையில் உள்ளேன். அந்த நன்றியை என்றும் மறக்க மாட்டேன் என்றார்.
Click it and Unblock the Notifications
Sign in with Google