மோசமான வானிலை.. தாய்லாந்து ராணுவ விமானம் விபத்து: 5 பேர் பலி

பாங்காங்: தாய்லாந்து நாட்டில் ராணுவ விமானம் விபத்துக்குள்ளானதில் மேஜர் ஜெனரல் ஒருவர் உட்பட 5 பேர் உயிரிழந்தனர்.

தாய்லாந்து நாட்டைச் சேர்ந்த ராணுவம் விமானம் ஒன்று நேற்று முன்தினம் (ஞாயிற்றுக்கிழமை) மோசமான வானிலை காரணமாக காணாமல் போனது. இதையடுத்து தீவிர தேடுதல் பணிகள் நடைபெற்றன.

இதில் விமானம் விபத்துக்குள்ளானதாக தெரிவிக்கப்பட்டது. விமானத்தில் பயணம் செய்த 5 பேர் உயிரிழந்ததாகவும் அறிவிக்கப்பட்டது. இந்த விபத்தில் தாய்லாந்தின் 4வது தரைப்படைப் பிரிவின் மேஜர் ஜெனரல் நோப்பார்ன் ருவன்சன் உயிரிழந்துள்ளதாக லெப்டினன்ட் ஜெனரல் சோம்சக் தெரிவித்தார்.

மேலும் யு.ஹெச் 72 ரக லைட் ஹெலிகாப்டர் சியாங் மாய் நகரில் உள்ள தாய்லாந்தின் மிகப்பெரிய மலைப் பகுதி அருகே சென்றுள்ளது.

மியான்மர் எல்லைப் பகுதி அருகே வெள்ள மீட்பு பணிகளில் ஈடுபட்டது. பின்னர் பிசனுலோக் பகுதிக்கு திரும்பிக் கொண்டிருந்த போது, மோசமான வானிலை காரணமாக விபத்துக்குள்ளாகி இருக்கலாம் என்று தெரிவிக்கப்பட்டுள்ளது.

English summary

A Thai military helicopter that went missing on Sunday crashed in bad weather in northern Thailand, killing all five people on board