“டிஸ்னி” – உள்ளங்கைக்குள் அடங்கிப் போகும் அழகான ”குட்டி” நாய்

லண்டன்: இங்கிலாந்தில் குட்டியான நாய் ஒன்று உள்ளங்கைக்குள் ஒளிந்து கொள்ளும் அளவிலான வளர்ச்சியுடனேயே உள்ளது.

இங்கிலாந்தின் வெஸ்ட் மிட்லாண்டில் வசிக்கும் நடாலி வேன்ஸ் என்பவருக்கு சொந்தமான நாய்க்குட்டி தான் டிஸ்னி. இல்லை நாய்க்குட்டியை விட குட்டியான நாய்தான் டிஸ்னி.

கடந்த ஜனவரி மாதம் 3 நாய்க்குட்டிகளுடன் சேர்ந்து இந்த பூமிக்கு வந்த டிஸ்னியை நாய்க்குட்டி என்று சொன்னால் யாரும் நம்ப மாட்டார்கள்.

ஒரு பூனைக்குட்டி போலவே தோற்றமளிக்கும் டிஸ்னியின் உயரமோ 3 இன்ச் தான். எடையோ 405 கிராம் மட்டுமே. டிஸ்னியுடன் பிறந்த 3 நாய்க்குட்டிகளும் நெடு நெடுவென வளர டிஸ்னி மட்டும் வளர்ச்சியில் பின் தங்கி விட்டது.

இதனாலே, மற்ற நாய்க்குட்டிகள் எல்லாம் டிஸ்னியை கேலிப்பொருளாக்கி காயப்படுத்த, நடாலி அதை எப்போதும் தன்னுடனே வைத்துக்கொண்டு பாதுகாத்து வருகிறார்.

டிஸ்னியின் தற்பொதைய வளர்ச்சி விகிதத்தை வைத்துக் கணக்கிடும் போது விரைவில் அது கின்னஸ் சாதனை படைக்கும் என்று இங்கிலாந்தின் பிரபல பத்திரிக்கையான மிரர் தெரிவித்துள்ளது.

English summary

Meet Disney -- a three-month-old, fun-size chihuahua who is probably the cutest puppy dog and/or case of copyright infringement that has ever happened.