தொடர்ந்து 2வது முறையாக... உலகிலேயே செலவு மிகுந்த நகரமாக சிங்கப்பூர் தேர்வு

சிங்கப்பூர்: உலகிலேயே செலவு மிகுந்த நகரமாக சிங்கப்பூர் இருப்பதாக ஆய்வு ஒன்று தெரிவித்துள்ளது.

இரண்டு ஆண்டுகளுக்கு ஒருமுறை பொருளாதார புலனாய்வு பிரிவு என்ற அமைப்பு உலகிலேயே செலவு மிகுந்த நகரங்கள் குறித்து ஆய்வு நடத்தி வருகிறது. அதன்படி, இந்த ஆண்டு நடத்தப்பட்ட ஆய்வில் 93 நாடுகளில் உள்ல 140 நகரங்கள் குறித்து ஆராயப்பட்டது.

இந்த ஆய்வின் முடிவில் உலகிலேயே செலவு மிகுந்த நகரமாக சிங்கப்பூர் இருப்பது தெரிய வந்துள்ளது. பாரீஸ், ஓஸ்லோ, ஜூரிச், சிட்னி ஆகிய நகரங்கள் அடுத்தடுத்த இடங்களைப் பிடித்துள்ளன.

கடந்த முறை நடத்தப்பட்ட ஆய்விலும், இதே நகரங்கள் இதே இடங்களைப் பெற்றிருந்தன என்பது குறிப்பிடத்தக்கது.

சிங்கப்பூரில் உள்ள பலசரக்கு சாமான்கள், அமெரிக்காவின் நியூயார்க் நகரில் உள்ளதை விட 11 சதவீதமும், துணிமணிகள் 50 சதவீதமும் அதிக விலை ஆகும். மேலும், சிங்கப்பூரில் கார் வைத்திருப்பதற்கு சான்றிதழ் பெறும் முறை உள்ளது. இதனால், அங்கு போக்குவரத்து செலவு, நியூயார்க்கை விட மூன்று மடங்கு அதிகமாக போய்விட்டது.

மேற்கூறிய காரணங்களால் உலகில் அதிக செலவு மிகுந்த நகரமாக சிங்கப்பூர் விளங்குவதாக இந்த ஆய்வு தெரிவித்துள்ளது.

English summary

Singapore is the world’s most expensive city, according to the Economist Intelligence Unit.