பர்ஸை திருடிய பெண்ணுக்கே ஃபேஸ்புக்கில் ஃபிரெண்ட் ரிக்வெஸ்ட் கொடுத்து போலீசில் சிக்கிய திருடன்

வாஷிங்டன்: அமெரிக்காவில் பெண் ஒருவரின் பர்ஸை திருடிய நபர் அந்த பெண்ணுக்கு ஃபேஸ்புக்கில் ஃபிரெண்ட் ரிக்வெஸ்ட் கொடுத்து போலீசில் சிக்கியுள்ளார்.

அமெரிக்காவில் ரிலே முல்லின்ஸ்(28) என்பவர் படகுத் துறையில் பெண் ஒருவரிடம் இருந்து அவரது பர்ஸ் மற்றும் ஐபாடை பறித்துச் சென்றார். இதையடுத்து அந்த பெண் இந்த சம்பவம் குறித்து போலீசில் புகார் கொடுத்தார். இந்நிலையில் முல்லின்ஸ் தான் பர்ஸை திருடிய பெண்ணுக்கே ஃபேஸ்புக்கில் ஃபிரெண்ட் ரிக்வெஸ்ட் கொடுத்தார்.

அந்த பெண் முல்லின்ஸை அடையாளம் கண்டு இது குறித்து போலீசாருக்கு தகவல் கொடுத்தார். இதையடுத்து போலீசார் முல்லின்ஸை கைது செய்து சிறையில் அடைத்தனர்.

தானாக வந்து ஃபேஸ்புக் மூலம் சிக்கிய முல்லின்ஸை சமூக வலைதளங்களில் பலரும் கிண்டலடித்து வருகின்றனர்.

English summary

This news comes straight from Ripley's Believe It or Not. An accidental Facebook friend request from a bag snatcher to the women whose bag he stole has sent him behind bars in the US.