இந்த வீடியோவை பார்த்த பிறகு யாராவது காதல் 'பிரேக்கப்'னு சொல்லுவாங்க!

By Siva

Updated: Friday, June 19, 2015, 17:00 [IST]

Subscribe to Oneindia Tamil

பெர்லின்: ஜெர்மனியைச் சேர்ந்த ஒருவர் தனது காதலியை பிரிந்த பிறகு அவருடன் சேர்ந்து பயன்படுத்திய பொருட்களை எல்லாம் இரண்டாக வெட்டி அதை ஈ-பேயில் விற்பனைக்கு போட்டுள்ளார்.

ஜெர்மனியைச் சேர்ந்த ஒருவர் லாரா என்ற பெண்ணை காதலித்துள்ளார். அவரும், லாராவும் சேர்ந்து 12 ஆண்டுகளாக ஒரே வீட்டில் வசித்துள்ளனர். இந்நிலையில் காதல் முறிந்து அவர்கள் பிரிந்துவிட்டனர். காதல் முறிவு என்ற வார்த்தையின் அர்த்தத்தை அவரிடம் தான் தெரிந்து கொள்ள வேண்டும்.

காதலி பிரிந்து சென்ற கையோடு அவர் வீட்டில் ஒரு முக்கியமான வேலையை பார்த்துள்ளார்.

பொருட்கள்

தானும், காதலியும் சேர்ந்து இத்தனை ஆண்டுகளாக பயன்படுத்திய பொருட்களை பிரித்துக் கொடுக்க முடிவு செய்தார். இதையடுத்து அந்த நபர் வீட்டில் இருந்த அனைத்து பொருட்களையும் இரண்டாக உடைத்தார், நறுக்கினார், வெட்டினார்.

கட்டில்

காதலியுடன் சிரித்துப் பேசி மகிழ்ந்த கட்டிலையும், அதில் இருந்த மெத்தையையும் அவர் இரண்டாக வெட்டி ஒரு பாதியை லாராவிடம் கொடுத்துவிட்டு மறுபாதியை ஈ-பேயில் விற்பனைக்கு போட்டுள்ளார்.

கார்

ஓபல் காரை கூட விட்டு வைக்காத அவர் அதையும் இரண்டாக வெட்டினார். காரின் முன்பகுதியை தான் வைத்துக் கொண்டார். பின் பகுதியை லாராவுக்கு கொடுத்துவிட்டார்.

டிவி, ஐபோன், லேப்டாப்

சாம்சங் டிவி, விலை உயர்ந்த ஐபோன் 5 மற்றும் லேப்டாப்பையும் அவர் விட்டுவைக்கவில்லை. அவற்றையும் இரண்டாக உடைத்துவிட்டார் மனிதர்.

கரடி பொம்மை

வீட்டில் இருந்த நாற்காலிகள், சைக்கிள், சோபா, டிவிடிக்கள் அட கரடி பொம்மையைக் கூட இரண்டாக வெட்டிவிட்டார். தனது பங்கு பொருட்களை எல்லாம் புகைப்படம் எடுத்து அவை விற்பனைக்கு என ஈ-பேயில் தெரிவித்துள்ளார்.

வீடியோ

லாராவுக்காக என்ற தலைப்பில் தான் பொருட்களை பாதியாக நறுக்கியபோது எடுக்கப்பட்ட வீடியோவை யூடியூப்பில் வெளியிட்டுள்ளார். அந்த வீடியோவை பார்த்தவர்கள் மிரண்டு போயுள்ளனர்.