நெருப்புடா.. நெருங்குடா.. எரிமலைக் குழம்புக்குப் பக்கத்தில் நீச்சலடித்த சூப்பர் பெண்!
ஹவாய்: முதலைகளுக்குப் பக்கத்தில் நந்துவது, பெரிய பெரிய கட்டடங்கள் மீது ஏறி விபரீதமான போஸ்களில் செல்பி எடுப்பது போன்றவை ஆலிசன் டீலுக்கு ரொம்ப ஜாலியான விளையாட்டுகள். ஆனால் தற்போது அதையெல்லாம் தூக்கி சாப்பிடும் வகையிலான சாகசத்தைப் புரிந்துள்ளார் ஆலிசன்.
எரிமலைக் குழம்பு ஆறு போல ஓட, அதற்கு அருகில் போய் நீச்சல் போட்டு பிரமிக்க வைத்துள்ளார் அனைவரையும். அவரை அனைவரும் "பெண் இன்டியானா ஜோன்ஸ்" என்று புகழ ஆரம்பித்து விட்டனர் அமெரிக்காவில்.
ஹவாய் தீவில் உள்ள கிலியாவோ எரிமலை குழம்பைக் கக்கி வருகிறது. அதற்கு அருகில் உள்ள கடல் பகுதியில் சர்ப் போர்டில் ஏறிப் பயணித்தும், நீச்சலடித்தும் படு நெருக்கமாக அந்த லாவா ஆறுக்கு அருகே போய் வந்துள்ளார் ஆலிசன். கொதிக்கும் குழம்பைக் கண்டு பயப்படால் நீச்சலடித்துப் போய் திரும்பியுள்ளார் ஆலிசன். அதை தனது பேஸ்புக்கிலும் போட்டுள்ளார்.
இந்த துணிகர செயலை புகைப்படக் கலைஞர் பெர்ரின் ஜேம்ஸ் தனது கேமராவில் கிளிக்கியுள்ளார். கொதிக்கும் லாவாவில் சிக்கினால் அவ்வளவுதான் சாம்பல் கூட மிஞ்சாது என்பது குறிப்பிடத்தக்கது.
ஆனால் இதுபோன்ற செயலில் யாரும் ஈடுபட வேண்டாம் என்றும் தனது பேஸ்புக் பதிவின் கடைசியில் அனைவருக்கும் அறிவுரை ஒன்றையும் வைத்துள்ளார் ஆலிசன்.
Click it and Unblock the Notifications
Sign in with Google