வெள்ளை மாளிகை வேலி வழியாக புகுந்து ஒபாமா வீட்டுப் பக்கம் போய் விட்ட குழந்தை!

வாஷிங்டன்: வெள்ளை மாளிகையில் நேற்று ஒரு குட்டிப் பையனால் சிறிய பரபரப்பு ஏற்பட்டு விட்டது.

உள்ளூர் நேரப்படி இரவு 8 மணியளவில் தனது பெற்றோருடன் இந்த குட்டிக் குழந்தை வெள்ளை மாளிகையை வேடிக்கை பார்க்க வந்துள்ளது. அப்போது பெற்றோரிடமிருந்து எப்படியோ நழுவி விட்ட குழந்தை, வெள்ளை மாளிகை வேலிக்குள் தனது குட்டி உடலை நுழைத்து அதிபர் ஒபாமாவின் குடியிருப்பு உள்ள பகுதிக்குகள் போய் விட்டது.

அந்தப் பகுதி மிகவும் பாதுகாக்கப்பட்ட பகுதியாகும். எனவே குட்டிக் குழந்தை ஒன்று அந்தப் பக்கம் வருவதைப் பார்த்து குழப்பமடைந்த பாதுகாப்புப் படையினர் விரைந்து சென்று குழந்தைய மீட்டனர். இதனால் சின்னதாக பரபரப்பும் ஏற்பட்டது. வெள்ளை மாளிகையும் மூடப்பட்டது.

பின்னர் விசாரணை நடத்தி பெற்றோரிடம் குழந்தையைப் பாதுகாப்புப் படையினர் ஒப்படைத்தனர்.

English summary

A toddler squeezed through the White House fence, resulting in lock down of the residence of US President Barack Obama and a brief commotion among the Secret Service agents. The incident occurred yesterday at around 8 pm (local time) when the toddler got away from his parents, squeezed through the fence and entered the most protected White House grounds, triggering a brief lockdown of the White House. The toddler was soon handed over to his parents.