ஒரு மக் பீரை ஒரே மடக்கில் 7 வினாடிகளில் குடித்த ஆஸி. பிரதமர்
சிட்னி: ஆஸ்திரேலிய பிரதமர் டோனி அப்பாட் ஒரே மூச்சில் ஒரு மக் பீரை வெறும் 7 வினாடிகளில் குடித்த வீடியோ இணையதளத்தில் தீயாக பரவியுள்ளது.
ஆஸ்திரேலிய பிரதமர் டோனி அப்பாட் கடந்த சனிக்கிழமை இரவு கிழக்கு சிட்னியில் உள்ள பப் ஒன்றுக்கு சென்றுள்ளார். அவரை பார்த்ததும் அங்கிருந்த சில கால்பந்து விளையாட்டு வீரர்கள் உற்சாகம் அடைந்தனர். அப்பாட் ஒரு மக் நிறைய பீர் வாங்கினார். அந்த பீரை ஒரே மூச்சில் குடிக்குமாறு வீரர்கள் அவரை ஊக்குவித்தனர்.
அவர்களின் வேண்டுகோளுக்கு இனங்க அப்பாட் ஒரு மக் பீரை வெறும் 7 வினாடிக்குள் குடித்து முடித்தார். இதை பார்த்த மக்கள் கை தட்டி மகிழ்ச்சி ஆரவாரம் செய்தனர். இந்த வீடியோ இணையதளத்தில் தீயாக பரவியுள்ளது.
ஒரு நாட்டின் பிரதமர் இப்படியா நடந்து கொள்வது என்று சிலர் விமர்சித்தாலும், பலர் அவரை பாராட்டியுள்ளனர். ஒரு ஆஸ்திரேலிய பிரதமர் இவ்வளவு வேகமாக பீர் குடித்தது இது ஒன்றும் முதல் முறை அல்ல.
முன்னதாக முன்னாள் ஆஸ்திரேலிய பிரதமர் பாப் ஹாக் கடந்த 2012ம் ஆண்டு தனது 82வது வயதில் கிரிக்கெட் போட்டியின்போது 1.7 லிட்டர் பீரை 11 வினாடிகளில் குடித்தார் என்பது குறிப்பிடத்தக்கது.
Click it and Unblock the Notifications
Sign in with Google