'பிங்க்' பேபன், 'கிரீன்' மாடிசன், ஊதா பைகே... நெயில் பாலீசால் குழந்தைகளை அடையாளம் காணும் அம்மா!

லண்டன்: ஒரே பிரசவத்தில் பிறந்த மூன்று பெண் குழந்தைகளை அவர்களது காலில் உள்ள நெயில் பாலீஷ் மூலம் அடையாளம் காண்கிறாராம் இங்கிலாந்து தாய் ஒருவர்.

இங்கிலாந்தில் உள்ள சவுத் வேல்ஸ் பண்டிபூல் பகுதியை சேர்ந்த தம்பதிகள் கரண் - இயன் கில்பர்ட் . இந்த தம்பதிக்கு சமீபத்தில் ஒரே பிரசவத்தில் மூன்று குழந்தைகள் பிறந்தன.

ஆபரேஷன் மூலம் பிறந்த அக்குழந்தைகள் அசப்பில் ஒரே மாதிரி இருந்தன. இதனால் பெற்றோருக்கு குழப்பம் உண்டானது. அசப்பில் ஒன்றுபோல் உள்ள குழந்தைகளை கண்டறிய வித்தியாசமான அடையாளம் ஒன்றை உண்டாக்கினர் பெற்றோர்.

3 பெண் குழந்தைகள்...

மூன்று குழந்தைகளுக்கும் பேபன் , மாடிசன் மற்றும் பைகே என பெயரிட்டனர் அத்தம்பதியினர். இவர்களுக்கு ஏற்கனவே 4 வயது பெண் குழந்தை ஒன்று உள்ளது.

குழப்பம்...

ஆனபோதும், ஒரே மாதிரி இருந்ததால் எந்த குழந்தைக்கு பால் கொடுத்தோம், எந்த குழந்தைக்கு கொடுக்கவில்லை, எந்த குழந்தைக்கு குளிப்பாட்டி டிரஸ் மாற்றினோம் என்று குழப்பத்தில் இருந்துள்ளனர் பெற்றோர்.

வித்தியாசமான ஐடியா...

இந்தக் குழப்பத்தைக் குறைக்க தனது மனைவிக்கு வித்தியாசமான ஐடியா ஒன்றைக் கொடுத்தார் கரண். அந்த ஐடியாவின் படி, மூன்று குழந்தைகளின் கால் நகங்களிலும் மூன்று வெவ்வேறு நிறங்களில் நக பாலீஷ் போட்டு விட்டனர்.

3 வண்ணங்கள்...

அதன்படி குழந்தை பேபனுக்கு பிங்க் கலரிலும், மாடிசன் புதினா பச்சை, பைகே ஊதா கலரும் காலின் பெருவிரல் நகத்தில் வண்ணம் தீட்டி உள்ளனர்.

84 பாட்டில்கள்...

இந்த மூன்று குழந்தைகளுக்காக வாரந்தோறும் 84 பாட்டில்கள் பால் மற்றும் 120 நேப்பிஸ் என்று கூறப்படும் குழந்தைகளின் ஆடைகளை பயன்படுத்துவதாகவும் அதன் பெற்றோர் தெரிவித்துள்ளனர்.

ஆபரேஷன் மூவர்....

இது குறித்து குழந்தையின் தாயார் கிரண் கூறும்போது, ‘இது எங்களுக்கு வித்தியாசமான வேடிக்கையான ஆண்டாக உள்ளது. ராணுவ நடவடிக்கை மாதிரி இதை நாங்கள் ''ஆபரேஷன் மூவர்'' என அழைக்கிறோம்.

இப்பவே ஸ்டார் தான்...

எங்களுக்கு மூன்று சிக்கல். ஆனால் இதற்கு வேறு வழி இல்லை.இவர்கள் ஒரு வயதை அடையும் முன்பே பெரிய டிவி ஸ்டாராகி விட்டனர். இவர்கள் எங்களுக்கு மகிழ்ச்சியை கொண்டுவரும் அழகான பெண்கள்' என மகிழ்ச்சியுடன் தெரிவித்துள்ளார்.

English summary

It is always hard for parents to tell apart their identical twins or triplets. One family have come up with their own way of making sure they can by colour coding their triplets' toe nails to tell them apart, the Daily Mail reports.