ஒபாமா ஒரு ரகசிய முஸ்லீம் அதனால் தான்...: டிரம்ப் தாக்கு

நியூயார்க்: அமெரிக்க அதிபர் ஒபாமா ஒரு ரகசிய முஸ்லீம் என அதிபர் தேர்தலில் போட்டியிடும் டொனால்டு டிரம்ப் மீண்டும் குற்றம் சாட்டியுள்ளார்.

அமெரிக்க அதிபர் தேர்தலில் குடியரசுக் கட்சி சார்பில் போட்டியிடும் டொனால்டு டிரம்ப் நேரம் கிடைக்கம் போது எல்லாம் அதிபர் பாரக் ஒபாமாவை விமர்சித்து வருகிறார். ஒபாமா ஒரு ரகசிய முஸ்லீம், அவர் தீவிரவாதத்தை ஆதரிப்பதாக டிரம்ப் ஏற்கனவே குற்றம் சாட்டியிருந்தார்.

இந்நிலையில் அவர் ஒபாமா பற்றி கூறியிருப்பதாவது,

ஆர்லான்டோவில் துப்பாக்கிச்சூடு நடந்தும் அது இஸ்லாமிய தீவிரவாத செயல் என்ற வார்த்தையை ஒபாமா கூறவில்லை. என்னமோ நடக்கிறது. ஒபாமாவுக்கு தான் செய்வது என்னவென்றே தெரியவில்லை.

ஒபாமா ஒரு ரகசிய முஸ்லீம். அவர் தீவிரவாதத்தை ஆதரிக்கிறார் என்றார்.

முன்னதாக கடந்த 2011ம் ஆண்டிலும் டிரம்ப் ஒபாமா ஒரு ரகசிய முஸ்லீம் என்றார். மேலும் ஒபாமாவுக்கு அமெரிக்காவை பிடிக்குமா என சந்தேகமாக உள்ளது என்றும் குற்றம் சாட்டினார். ஒபாமா தனது பிறப்பு சான்றிதழை யாரிடமும் காட்டுவது இல்லை. காரணம் அதில் அவர் முஸ்லீம் என எழுதப்பட்டிருக்கலாம் என டிரம்ப் தெரிவித்தார் என்பது குறிப்பிடத்தக்கது.

English summary

US presidential candiate Donald Trump has suggested that president Obama is a secret muslim.