பூராப் பயலும் ரெண்டு ரெண்டா இருக்காங்களே... அமெரிக்காவில் நடந்த ‘இரட்டையர்கள்’ திருவிழா
நியூயார்க்: அமெரிக்காவில் நடந்த இரட்டையர்கள் விழாவில் பல்வேறு நாடுகளைச் சேர்ந்த இரட்டையர்கள் கலந்து கொண்டனர்.
அமெரிக்க நாட்டின், ஓஹியொ மாநிலத்தின் ‘டிவின்ஸ்பர்க்' நகரில் 40-ஆவது ஆண்டாக இரட்டையர் திருவிழா கொண்டாடப்பட்டது. ஒரே பிரசவத்தில் பிறக்கும் ஒன்றுக்கும் மேற்பட்ட குழந்தைகளின் வாழ்க்கையைக் கொண்டாடவே இந்த திருவிழா நடத்தப் படுகிறது.
இந்தத் திருவிழாவில் அமெரிக்கர்கள் மட்டுமின்றி, உலகின் பல்வேறு நாடுகளில் இருந்து வந்திருந்த இரட்டையர்கள் பங்கேற்றனர்.
ஒரே மாதிரி டிரஸ்...
இதில் பங்கேற்ற இரட்டையர்கள் சின்னஞ்சிறு குழந்தைகள் முதல் முதியோர் வரை ஒரே மாதிரி உடைகளுடன் வந்திருந்து, பார்வையாளர்களை அசர வைத்தனர்.
வித்தியாசமான உடையுடன்...
இந்தத் திருவிழா காரணமாக அந்த நகரமே விழாக்கோலம் பூண்டிருந்தது. வித்தியாசமான ஒரே மாதிரியான ஆடைகளுடன் இரட்டையர்கள் வந்திருந்தனர்.
மூன்று பேர் குழு...
இரட்டையர்கள் மட்டுமின்றி ஒரே பிரசவத்தில் பிறந்த மூன்று பேர் குழுக்களும் பார்ப்பவர்களை ஆச்சர்யத்தில் ஆழ்த்தியது.
2 ஆயிரம் பேர்...
இந்தாண்டு விழாவில் சுமார் 2 ஆயிரத்திற்கும் அதிகமான இரட்டையர்கள் கலந்து கொண்டதாக விழா ஏற்பாட்டாளர்கள் தெரிவித்துள்ளனர்.
Click it and Unblock the Notifications
Sign in with Google