ஆட்டை கடிச்சு, மாட்டைக் கடிச்சு மனுஷனையே கடிச்ச ட்விட்டர் ஹேக்கர்கள்!

நியூயார்க்: ட்விட்டரின் துணை நிறுவனர் இவான் வில்லியம்ஸின் ட்விட்டர் கணக்கு ஹேக் செய்யப்பட்டது தெரிய வந்துள்ளது.

கடந்த ஞாயிற்றுக்கிழமை ஃபேஸ்புக் நிறுவன சிஇஓ மார்க் ஜக்கர்பர்கின் ட்விட்டர் மற்றும் பின் இன்டரஸ்ட் கணக்குகள் ஹேக் செய்யப்பட்டது. அந்த கணக்குகளை அவர்மைன் டீம் என்ற ஹேக்கர் குழு ஹேக் செய்ததாக தெரிவித்தது.

இந்நிலையில் ட்விட்டரின் துணை நிறுவனரும், முன்னாள் சிஇஓவுமான இவான் வில்லியம்ஸின் ட்விட்டர் கணக்கு நேற்று ஹேக் செய்யப்பட்டது. இந்த கணக்கையும் தாங்கள் தான் ஹேக் செய்ததாக அவர்மைன் டீம் தெரிவித்துள்ளது.

பாடகர்கள் டிரேக், லானா டெல் ரே உள்ளிட்ட பிரபலங்களின் ட்விட்டர் கணக்குகள் ஹேக் செய்யப்பட்டன. முன்னதாக கடந்த ஆண்டு ட்விட்டரின் சிஎப்ஓ அந்தோணி நோட்டோவின் கணக்கு ஹேக் செய்யப்பட்டு அதில் பல மெசேஜ்கள் போடப்பட்டன.

இது குறித்து ட்விட்டர் நிர்வாகம் கூறுகையில்,

பல ஆன்லைன் சேவைகளை பயன்படுத்துவோரின் பாஸ்வேர்டுகள் கடந்த சில வாரங்களில் திருடப்பட்டுள்ளன. அதனால் ட்விட்டரை பயன்படுத்துவோர் வித்தியாசமான பாஸ்வேர்டுகளை பயன்படுத்துமாறு கேட்டுக் கொள்கிறோம் என்று தெரிவித்துள்ளது.

English summary

After a series of celebrity Twitter handle hacks over the past weeks, Evan Williams, the co-founder and former CEO of Twitter, had his account briefly compromised, a media report said.