இந்திய குடியரசு தின ரிஷப்ஷனில் கலந்து கொண்ட அமீரக அமைச்சர்கள்
அபுதாபி: இந்திய குடியரசு தினத்தை முன்னிட்டு அமீரகத்திற்கான இந்திய தூதர் ஏற்பாடு செய்திருந்த சிறப்பு நிகழ்ச்சியில் அமீரக அமைச்சர்கள் கலந்து கொண்டனர்.
67வது இந்திய குடியரசு தின விழா கொண்டாட்டம் அமீரகத்தில் உள்ள இந்திய தூதரக வளாகத்தில் கொண்டாடப்பட்டது. குடியரசு தினத்தை முன்னிட்டு அமீரகத்திற்கான இந்திய தூதர் டி.பி. சீதாராம் சிறப்பு நிகழ்ச்சிக்கு ஏற்பாடு செய்திருந்தார்.
சிறப்பு நிகழ்ச்சியில் கலந்து கொள்ளுமாறு அவர் அமீரக அமைச்சர்களுக்கு அழைப்பு விடுத்திருந்தார். அவரது அழைப்பை ஏற்று அமீரக கலாச்சாரத் துறை அமைச்சர் ஷேக் நஹ்யான் பின் முபாரக் அல் நஹ்யான், தொழிலாளர் நலத்துறை அமைச்சர் சக்ர் பின் கோபாஷ் சயீத் கோபாஷ் ஆகியோர் நிகழ்ச்சியில் கலந்து கொண்டனர்.
சிறப்பு நிகழ்ச்சியில் வெளிநாட்டு தூதரக அதிகாரிகள், தொழில் அதிபர்கள் மற்றும் அமீரக வாழ் இந்தியர்கள் பலர் கலந்து கொண்டனர்.
நிகழ்ச்சியில் பேசிய சீதாராம், பல்வேறு துறைகளில் அமீரகம் மற்றும் இந்தியா இடையேயான உறவு பற்றி பேசினார்.
Click it and Unblock the Notifications
Sign in with Google