ஐஎஸ் தீவிரவாதிகளுக்கு பி.பி.யை எகிற வைக்கும் பாலிவுட் பாடல்கள்

லண்டன்: பாகிஸ்தானில் பிறந்த உளவுத் துறை அதிகாரியின் அறிவுரைப்படி இங்கிலாந்து சிறப்பு படை ஐஎஸ்ஐஎஸ் தீவிரவாதிகளுக்கு எதிராக பாலிவுட் பட பாடல்களை ஆயுதமாக பயன்படுத்தி வருகிறது.

லிபியாவில் அட்டகாசம் செய்யும் ஐஎஸ்ஐஎஸ் தீவிரவாதிகளை அழிக்க அந்நாட்டு ராணுவத்திற்கு இங்கிலாந்து சிறப்பு படையினர் பயிற்சி அளித்து வருகின்றனர். இந்நிலையில் இங்கிலாந்து ராணுவத்தில் உள்ள பாகிஸ்தானில் பிறந்த உளவுத் துறை அதிகாரி ஒரு புதிய ஐடியாவை அளித்து அது வேலையும் செய்துள்ளது.

அதாவது இசை என்பது இஸ்லாத்திற்கு எதிரானது என்று கூறி வரும் தீவிரவாதிகளுக்கு பாலிவுட் பாடல்களை போட்டு கடுப்பேற்றி அவர்களை தாக்க அவர் ஐடியா கொடுத்தார்.

அதன்படி ராணுவ வீரர்களும் கார்களில் பாலிவுட் பாடல்களை சப்தமாக ஒலிபரப்பியதுடன், தீவிரவாதிகளின் போன் இணைப்பை இடைமறித்து பாடல்களை ஒலிபரப்பினர். இதனால் தீவிரவாதிகள் கோபத்தில் கொந்தளித்துள்ளனர்.

தீவிரவாதிகளின் பிடியில் இருக்கும் சிர்தே நகர் அருகே பாலிவுட் பாடல்கள் தொடர்ந்து ஒலிபரப்பப்பட்டதால் தீவிரவாதிகள் கோபம் அடைந்துள்ளனர். கடற்கரை நகரமான சிர்தேவில் மட்டும் 4 ஆயிரம் தீவிரவாதிகள் உள்ளனர் என்று நம்பப்படுகிறது.

English summary

British special forces are blasting Bollywood music as a new psychological warfare weapon against Islamic State (ISIS) terrorists in Libya on the advice of a Pakistani-born intelligence officer, it emerged today.