“தலைகீழ்” வீட்டைப் பார்த்திருக்கிறீர்களா? இல்லையென்றால் சீனாவுக்கு வாங்க…

By Vijayalakshmi

Updated: Friday, May 2, 2014, 12:41 [IST]

Subscribe to Oneindia Tamil

சீனா: நீங்கள் எல்லாரும் ஒரு வீட்டின் மேற்கூரையில் நடக்க முடிந்தால் என்ன செய்வீர்கள்?

ஆச்சரியத்தில் உறைந்து போவீர்கள் அல்லவா?அதுதான் நடக்கின்றது சீனாவில்.

சுற்றுலாப்பயணிகளைக் கவரும் வகையில் சீனாவின் ஷாங்காய் நகரில் இந்த "தலைகீழ்" வீடு உருவாக்கப்பட்டுள்ளது.

தலைகீழ் பர்னிச்சர்:

இந்த வீட்டில் பர்னிச்சர்கள் உட்பட எல்லாமே தலைகீழாக அமைக்கப்பட்டுள்ளன.ஏன் சாப்பிடும் மேசை கூட தலைகீழாக அமைக்கப்பட்டுள்ளது.

அலைமோதும் கூட்டம்:

தினமும் 100க்கும் மேற்பட்டவர்கள் இந்த வீட்டில் ஒரு புகைப்படமாவது எடுத்துக் கொள்ள வேண்டும் என்று அலைமோதுகின்றனர்.

கோடை விடுமுறை:

அங்கு கோடைக்கால விடுமுறை ஆரம்பிக்கப்பட்ட நிலையில் நேற்று பல நூறு மக்கள் சுற்றுலாவிற்காக இந்த வீட்டை பார்வையிட்டுச் சென்றுள்ளனர்.

சற்றே நிமிர்ந்தேன்:

"இந்த வீட்டுக்குள் நுழைந்ததும் நான் கொஞ்சம் தலை சுற்றித்தான் போய்விட்டேன்.எல்லாமே தலைகீழாய் அமைந்துள்ளது இந்த வீட்டில்.இது மிகவும் சுவாரசியமாக இருக்கின்றது.

தலை சுற்றிப் போனேன்:

ஆனால்,இந்த வீட்டின் தளம் சாய்ந்து இருப்பதால்தான் நான் தலை சுற்றிப் போனதாக உணர்கின்றேன்" என்று 27 வயதான ஹுங் ஹூய் தெரிவித்துள்ளார்.

குளியலறை வினோதம்:

மற்றொரு சுற்றுலாப் பயணியான சன் மின்ஜீஓ, குளியலறை கூட தலைகீழாய் இருப்பதைப் பார்த்து வியந்து போய்விட்டதாக தெரிவித்துள்ளார்.

”தண்ணீர்” பயம்:

"அந்த சிறிய டாய்லெட் வடிவமைப்பு, என் மனதில் பெரிய ஆச்சரியத்தை உண்டாக்கி விட்டது.மிகுந்த கலை ஆர்வத்துடன் இந்த வடிவமைப்பை உருவாக்கியுள்ளனர்.அதைப் பார்த்தபோது எங்கே தண்ணீர் தலையில் ஊற்றிவிடப் போகின்றது என்று பயந்துவிட்டேன்" என்று கூறியுள்ளார்.

நல்லவேளை விழவில்லை:

9 வயதான வாங்க் யிஜின் இன்னும் அந்த தலைகீழ் ஆச்சரியத்தில் இருந்து விடுபட முடியாமல் வீட்டிற்கு வெளியில் வந்துள்ளார்."வீட்டின் மேற்கூரையில் நிற்பது போலவே நான் உணர்ந்தேன்.விசயம் என்னவென்றால் நான் கீழே விழவில்லை என்பதுதான்" என்று கூறியுள்ளார்.

5 மாத வடிவமைப்பு:

இந்த வீடானது பாலீஸ் டிசைனர் ஒருவரால் வடிவமைக்கப்பட்டுள்ளது.இந்த வீட்டின் கட்டமைப்பு நவம்பரில் ஆரம்பித்து, 5 மாதங்கள் எடுத்துக் கொண்டுள்ளதாக அவர் தெரிவித்துள்ளார்.