அமெரிக்க நாடாளுமன்றத்தில் முதன்முறையாக நடைபெற்ற தீபாவளி கொண்டாட்டம்

வாஷிங்டன்: அமெரிக்க நாடாளுமன்றத்தில் முதன் முறையாக தீபாவளி பண்டிகை கொண்டாடப்பட்டது.

அமெரிக்காவின் வாஷிங்டனில் இருக்கும் கேபிட்டல்ஹில்லில் உள்ள அந்நாட்டு நாடாளுமன்றத்தில் தீபாவளி பண்டிகை கோலாகலமாக கொண்டாடப்பட்டது.

அமெரிக்க நாடாளுமன்றத்தில் முதன்முறையாக நடந்த தீபாவளி கொண்டாட்டத்தில் எம்.பி.க்கள், அமெரிக்கா வாழ் இந்தியர்கள் கலந்து கொண்டனர். அவர்கள் தீபத் திருநாள் கொண்டாட்டத்தின்போது தீபம் ஏற்றி மகிழ்ந்தனர். பண்டிதர்கள் வேத மந்திரங்கள் ஓதினர்.

அமெரிக்காவுக்கான இந்திய தூதர் நிருபமா ராவ் தீபாவளி கொண்டாட்டத்தில் கலந்து கொண்டு உரை நிகழ்த்தினார். இதே போன்று எம்.பி.க்கள் மைக் ஹோண்டா, ஷீலா ஜாக்சன் லீ, டேவிட் பிரைஸ், சார்லஸ் பெர்னார்ட் ரேஞ்ல், ஸ்டெனி ஹோயர் ஆகியோரும் உரை நிகழ்த்தினார்கள்.

அமெரிக்க எம்.பி.க்கள் இந்தியர்களுக்கு தீபாவளி வாழ்த்துக்களை தெரிவித்துக் கொண்டனர்.

English summary

Diwali was celebrated in the US congress for the first time.