கடைக்கார் கடைக்கார்.. இவனை எவ்வளவுக்கு எடுத்துப்பீங்க.. அதிர வைத்த அப்பா..!
ஃபுளோரிடா: "இவனை எவ்வளவுக்கு எடுத்துப்பீங்க" என்று கேட்டதும் அடகு கடைக்காரருக்கு தூக்கி வாரி போட்டது!
அமெரிக்காவின் புளோடாரிவை சேர்ந்தவர் ஸ்லோகும். இவர் பக்கத்துல இருந்த ஒரு அடகு கடைக்கு தன் கைக்குழந்தையை தூக்கி கொண்டு போனார். குழந்தை பிறந்து ஏழரை மாசம்தான் ஆகுது. அடகுகடைக்காரரிடம் குழந்தையை காண்பித்து, "இவனை எவ்வளவுக்கு எடுத்துப்பீங்க? என்று கேட்டார்.
பொருளை தராமல் பிள்ளையை காட்டுகிறாரே என்று திகைத்த கடைக்காரர் "என்ன சொன்னீங்க?"என்று திரும்பவும் கேட்டார். அதற்கு ஸ்லோகும், "ஒன்னுமில்லை.. இவன் என் குழந்தை. பிறந்த ஏழரை மாசம்தான் ஆகுது. ஆனா இவனால எனக்கு ஒரு பிரயோஜனமும் இல்லை. அதான் இவனை எவ்வளவுக்கு வாங்குவீங்கன்னு கேட்டேன்" என்றார்.
இதை கேட்டதும் கடைக்காரர் சூடாகிவிட்டார். உடனடியாக குழந்தையை எப்படியாவது காப்பாற்ற வேண்டுமே என்று நினைத்து, போலீசுக்கு போன் செய்து தகவலை சொன்னார்.
போலீஸ் விரைந்து வந்து என்ன ஏதென்று விசாரித்தனர். போலீசை பார்த்ததும் இப்போது ஸ்லோகும் டென்ஷனாகி விட்டார். "இல்லை.. நான் விளையாட்டுக்குதான் அப்படி சொன்னேன். என் குழந்தையை போய் நான் அடகு வைப்பேனா? இப்படி வந்து அடகு வெச்சா, சமூக ஊடகத்தில் இந்த சம்பவத்தை வீடியோவாக பார்க்க முடியுமே.. அதுக்காகத்தான் இப்படி செய்தேன்" என்றார்.
இதைக் கேட்டதும் இப்போது போலீஸ் தரப்பு டென்ஷன் ஆகிவிட்டது. விளம்பரத்துக்கு இப்படியெல்லாம் பண்றதா? என்று கேட்டு திட்டினார்கள். குழந்தையின் நலனை கருத்தில் கொண்டு, கேஸ் எதுவும் போடாமல் விட்டுவிட்டு, அவரை எச்சரித்து அனுப்பி வைத்தனர்.
Click it and Unblock the Notifications
Sign in with Google