யு.எஸ்.: ரகசிய பெண் போலீஸுக்கு ஆபாச படம் அனுப்பிய இந்தியருக்கு சிறை
நியூயார்க்: அமெரிக்காவில் ரகசிய பெண் போலீஸ் அதிகாரியாக இருந்த 13 வயது சிறுமிக்கு ஆபாச எஸ்.எம்.எஸ்., புகைப்படங்களை அனுப்பிய இந்திய வம்சாவளியைச் சேர்ந்தவருக்கு 21 மாத சிறை தண்டனை விதிக்கப்பட்டுள்ளது.
அமெரிக்காவில் வசித்து வருபவர் நிலஞ்சன் பிரம்மா(53). இந்திய வம்சாவளியைச் சேர்ந்த அவர் கடந்த 2011ம் ஆண்டு ஏப்ரல் மாதம் முதல் 2012ம் ஆண்டு பிப்ரவரி மாதம் வரை ஜேன் டோ என்ற 13 வயது ரகசிய பெண் போலீஸ் அதிகாரிக்கு ஆபாச எஸ்.எம்.எஸ்., புகைப்படம் அனுப்பியுள்ளார். மேலும் செல்போனில் ஆபாசமாகவும் ஜேனுடன் பேசியுள்ளார்.
டெக்சாஸ் மாநிலத்தில் உள்ள லுப்பாக் காவல் துறையில் ரகசிய போலீசாக பணியாற்றியவர் ஜேன். இந்நிலையில் இந்த சம்பவம் பற்றி போலீசார் வழக்குப்பதிவு செய்து விசாரித்து வந்தனர். இந்த வழக்கை விசாரித்த மாவட்ட நீதிமன்ற நீதிபதி சாம் கம்மிங்ஸ் பிரம்மாவுக்கு 21 மாத சிறை தண்டனை விதித்து தீர்ப்பளித்துள்ளார்.
பிரம்மா அடுத்த மாதம் சிறைத் துறை அதிகாரிகளிடம் சரண் அடையக்கூடும் என்று கூறப்படுகிறது.
அமெரிக்காவில் குழந்தைகள், மைனர்களுக்கு எதிரான பாலியல் தொல்லைகளை எதிர்த்து போராடுவது குறித்த விழிப்புணர்வு ஏற்படுத்தப்பட்டது. அப்போது தான் இந்த வழக்கு விசாரணைக்கு வந்தது என்பது குறிப்பிடத்தக்கது.
Click it and Unblock the Notifications
Sign in with Google