12 ஆண் குழந்தைகள் பெற்றெடுத்த அமெரிக்க தம்பதி- 13க்கு “வெயிட்டிங்”!

நியூயார்க்: அமெரிக்காவில் ஏற்கனவே 12 ஆண் குழந்தைகளைப் பெற்றெடுத்துள்ள ஒரு தம்பதியினர் தற்போது 13வது குழந்தைக்காக காத்துள்ளனர்.

அமெரிக்காவில் மிச்சிகன் பகுதியை சேர்ந்தவர் ஜாய். இவரது மனைவி கதேரி சாச்வாண்ட். இவர்களுக்கு ஏற்கனவே 12 ஆண் குழந்தைகள் உள்ளன.

மூத்த மகன் பெயர் டைலர், அவனைத் தொடர்ந்து ஷாச், டிரோ, பிராண்டன், டாமி, வின்னி, கால்வின், கேபே, வெஸ்லி, சார்லி, லுகர், துகர் என்று வரிசையாக 12 ஆண் குழந்தைகள் உள்ளனர்.

இந்த நிலையில் கதேரி மீண்டும் கர்ப்பமாக இருக்கிறார். இந்நிலையில் பிறக்க போகும் இக்குழந்தையும் ஆணாக இருக்க வேண்டும் என ஜாய் - கதேரி தம்பதி விரும்புகின்றனர்.

அக்குழந்தைக்கு பெயர் வைப்பது குறித்து தனது மகன்களுடன் ஆலோசித்து வருகின்றனர். இது குறித்து ஜாய்-கதேரி தம்பதி கூறும் போது, ஒவ்வொரு குழந்தை பிறக்கும் போதும் அது ஆணா அல்லது பெண்ணா என பார்ப்பதில்லை. ஆனால் தற்போது பிறக்க இருக்கும் குழந்தை ஆணாக பிறக்க வேண்டும் என விரும்புகிறோம் என்றனர்.

கதேரி 14 குழந்தைகளுடன் பிறந்தவர். இவர் அக்குடும்பத்தில் 13 ஆவது குழந்தை ஆவார். எனவே, தனக்கு பிறக்க போகும் 13 ஆவது குழந்தையை ஆவலுடன் எதிர்பார்க்கிறார். அக்குழந்தை 13 ஆம் தேதி அன்று பிறக்க வேண்டும் என ஆசைப்படுகிறார்.

English summary

A US couple who already have 12 sons but no daughters have welcomed a 13th boy into their household.