மனைவி மிஷலுக்கு பயப்படும் அமெரிக்க அதிபர் ஒபாமா

நியூயார்க்: உலகின் அதிகாரமிக்க மனிதரான அமெரிக்க அதிபர் பாரக் ஒபாமா தனது மனைவி மிஷலை பார்த்து பயப்படுவாராம்.

உலகின் அதிகாரமிக்க மனிதர் அமெரிக்க அதிபர் பாரக் ஒபாமா. அவர் என்னவென்றால் தனது மனைவி மிஷலுக்கு பயப்படுகிறாராம்.

ஐ.நா. சபை கூட்டம் நேற்று நடந்தது. அதில் கலந்து கொண்ட ஒபாமா ஐ.நா. சிறப்பு அதிகாரி மைனா கியாயிடம் புகைப்பிடிக்கும் பழக்கம் பற்றி பேசியுள்ளார்.

நான் விட்டுட்டேன், நீங்க?

நான் புகைப்பிடிக்கும் பழக்கத்தை நிறுத்திவிட்டேன். நீங்களும் நிறுத்திவிட்டீர்கள் என்று நம்புகிறேன் என ஒபாமா கியாயிடம் தெரிவித்தார். அதற்கு கியாயோ இல்லை இல்லை நான் அவ்வப்போது புகைப்பிடிப்பேன் என்று கூறியுள்ளார்.

மிஷலுக்கு பயந்து தான்

கடந்த 6 ஆண்டுகளாக நான் சிகரெட்டை தொடவே இல்லை. எல்லாம் மிஷலுக்கு பயந்து தான் என்றார் ஒபாமா.

மகள்கள் முன்பு எப்படி?

நான் என் மகள்களுக்கு முன்பு புகைப்பிடித்ததில்லை. என் குடும்பத்தார் முன்பும் புகைப்பிடித்ததில்லை என்று ஒபாமா முன்பு ஒரு பேட்டியில் தெரிவித்தார்.

மகள்களுக்காக

ஒபாமா தனது மகள்களுக்காக புகைப்பிடிக்கும் பழக்கத்தை விட்டுவிட்டார் என்று கடந்த ஆண்டு அளித்த பேட்டி ஒன்றில் மிஷல் தெரிவித்திருந்தார் என்பது குறிப்பிடத்தக்கது.

English summary

US President Barack Obama, arguably the world's most powerful man, is scared of his wife Michelle and has stopped smoking out of fear of the First Lady.