பா.ஜ.க. தேர்தல் அறிக்கை பற்றி கருத்து தெரிவிக்க அமெரிக்கா மறுப்பு

வாஷிங்டன்: பாரதிய ஜனதா கட்சி வெளியிட்ட தேர்தல் அறிக்கை குறித்து எந்த ஒரு கருத்தும் தெரிவிக்க முடியாது என்று அமெரிக்கா கூறியுள்ளது.

லோக்சபா தேர்தலையொட்டி பாரதிய ஜனதா கட்சி நேற்று தேர்தல் அறிக்கையை வெளியிட்டது. இதில் அயோத்தியில் ராமர் கோவில் கட்டுவோம், பொதுசிவில் சட்டம் கொண்டுவருவோம், ஜம்மு காஷ்மீருக்கு சிறப்பு அந்தஸ்து அளிக்கும் 370வது பிரிவை நீக்குவோம் என்பது உள்ளிட்ட சர்ச்சைக்குரிய அம்சங்கள் அதில் இடம்பெற்றுள்ளன.

இது கடுமையான விமர்சனங்களையும் ஏற்படுத்தியுள்ளது. இது குறித்து கருத்து தெரிவித்த அமெரிக்க வெளியுறவு செய்தி தொடர்பாலர் ஜான் பெஸ்கி, தேர்தலில் வெற்றி பெற்று ஆட்சி அமைக்கும் நிலையில் இருக்கிற ஒரு கட்சி பற்றி நாங்கள் கருத்து எதுவும் சொல்ல போவது இல்லை.

இது போன்ற விவாதங்களை நாங்கள் மத்தியில் அமையக் கூடிய புதிய இந்திய அரசிடம் மட்டுமே பேசுவோம் என்றார்.

English summary

The US has refused to comment on election manifesto of BJP, which promises to revise India's nuclear doctrine, if voted to power after the Lok Sabha polls.