ஒரு பார், வீடு, ஒர்க்ஷாப் உள்ள அமெரிக்க நகரம் விற்பனைக்கு: விலை ரூ. 2.4 கோடி

சிகாகோ: அமெரிக்காவில் ஒரு பார், ஒர்க்ஷாப், வீடு மற்றும் 6.16 ஏக்கர் புல்வெளியுடன் கூடிய நகரம் ஒன்று ரூ. 2 கோடியே 40 லட்சத்து 30 ஆயிரத்து 849க்கு விற்பனைக்கு வந்துள்ளது.

அமெரிக்காவின் தெற்கு டகோடா மாநிலம் பென்னட் கவுன்ட்டியில் உள்ள ஸ்வெட் என்ற ஊர் விற்பனைக்கு வந்துள்ளது. அந்த நகரில் ஒரு வீடு, பார், ஒர்க்ஷாப் மற்றும் 6.16 ஏக்கர் புல்வெளி உள்ளது. அந்த நகரின் உரிமையாளர் லான்ஸ் பென்சன். நகரை வாங்க விரும்புவோர் பென்சனுக்கு ரூ. 2 கோடியே 40 லட்சத்து 30 ஆயிரத்து 849க்கு கொடுத்து வாங்கலாம்.

1940களில் ஸ்வெட்டில் 40 பேர் வாழ்ந்துள்ளனர். அங்கு தபால் நிலையம், சில வீடுகள், மளிகை கடை இருந்துள்ளது. மக்கள் பெரிய நகரங்களை நோக்கி சென்றதால் ஊர் காலியானது.

தற்போது அந்த ஊரில் ஒரேயொரு வீடு மட்டுமே உள்ளது. இந்த நகரத்தை பென்சன் கடந்த 1998ம் ஆண்டு வாங்கியுள்ளார். பின்னர் விவாகரத்து செய்யும்போது ஸ்வெட்டை தனது மனைவிக்கு எழுதிக் கொடுத்துள்ளார். ஆனால் 2012ம் ஆண்டில் அந்த ஊரை மீண்டும் தன் வசமாக்கிக் கொண்டார் பென்சன்.

ஸ்வெட் பல கைகள் மாறி பென்சனிடம் வந்துள்ளது. ஸ்வெட்டை விற்க அவருக்கு மனம் இல்லாவிட்டாலும் விளம்பரம் கொடுத்துள்ளார்.

English summary

In an enticing offer, an entire US town complete with a bar, workshop, three trailers, single house and 6.16 acres of prime prairie real estate, is up for sale for about USD 400,000. Lance Benson, the sole owner of Swett, an unincorporated hamlet in Bennett County, South Dakota, about two hours southeast of Rapid City, is putting the whole town up for grabs.