17 வயது தோழி பலாத்காரம் செய்யப்பட்டதை நேரடி ஒளிபரப்பு செய்த அமெரிக்க பெண்
நியூயார்க்: அமெரிக்காவில் 18 வயது பெண் ஒருவர் தனது நண்பர் 17 வயது சிறுமியை பாலியல் பலாத்காரம் செய்ததை செல்போனில் நேரடி ஒளிபரப்பு செய்துள்ளார்.
அமெரிக்காவின் ஒஹாயோ மாநிலத்தில் உள்ள பிராங்கிளின் கவுன்ட்டியை சேர்ந்தவர் மரினா அலெக்சீவ்னா லோனினா(18). அவரது நண்பர் ரேமன்ட் பாய்ட் கேட்ஸ்(29). லோனினா, கேட்ஸ் ஆகியோர் கொலம்பஸில் உள்ள ஒரு வீட்டிற்கு கடந்த பிப்ரவரி மாதம் 27ம் தேதி சென்றுள்ளனர்.
அங்கு லோனினாவின் 17 வயது தோழியும் வந்துள்ளார். அந்த வீட்டில் வைத்து கேட்ஸ் லோனினாவின் தோழியை பாலியல் பலாத்காரம் செய்துள்ளார். இதை பார்த்த லோனினா அதை தடுக்காமல் தனது செல்போனை எடுத்து பெரிஸ்கோப் அப்ளிகேஷன் மூலம் அதை நேரடி ஒளிபரப்பு செய்துள்ளார்.
அந்த நேரடி ஒளிபரப்பை பார்த்த பாதிக்கப்பட்ட சிறுமியின் தோழி போலீசாருக்கு தகவல் கொடுத்தார். அவரது புகாரின்பேரில் போலீசார் வழக்குப்பதிவு செய்து லோனினா, கேட்ஸை கைது செய்தனர். இது குறித்த வழக்கு நீதிமன்றத்தில் நடந்து வருகிறது.
இந்த சம்பவம் நடந்த முந்தைய நாள் லோனினா தனது தோழியை நிர்வாணமாக புகைப்படம் எடுத்துள்ளார்.
Click it and Unblock the Notifications
Sign in with Google