தாய்க்கு பேறு காலம் பார்த்த 12 வயது சிறுமி! வைரலாகும் போட்டோக்கள்

வாஷிங்டன்: அமெரிக்காவின் மிஸ்ஸிஸிப்பி பகுதியை சேர்ந்தவர் ஜசீ. டீனேஜ் வயதில் காலடி எடுத்து வைக்க உள்ள 12 வயது சிறுமி. இவரது தாயார் கரு உண்டாகியிருந்தார். சமீபத்தில் அவருக்கு பேறு காலம் நடந்துள்ளது.

ஜசீக்கு தன் தாயின் பிரசவத்தைப் பார்க்க வேண்டும் என்று அதிக ஆர்வம். மருத்துவர்களிடம் தன் விருப்பத்தை தெரிவித்துள்ளார். இதற்கு டாக்டர்களும் ஒப்புக்கொண்டனர்.

பேறுகால அறைக்கு சென்ற அவரையே தன் தாய்க்கு பிரசவம் பார்க்க வைத்துள்ளனர் டாக்டர்கள். ஜசீயின் கைகளாலேயே குழந்தையை வெளியே எடுக்க வைத்துள்ளனர்.

தனக்கு தம்பி பிறந்துள்ளதை ஜசீ 'லைவ்'வாக பார்த்தார். ஜசீ தன் தம்பியை தாயில் உடலில் இருந்து வெளியே எடுக்கும் போது தன்னை அறியாமலேயே அழுதுவிட்டார்.

இதுகுறித்து ஜசீ, கூறுகையில், என் வாழ்நாளில் மிகச்சிறந்த தருணம். தம்பியை முதலில் பார்க்கும் போது நான் அப்படியே அழுதுவிட்டேன் என ஆச்சரியத்தோடு கூறியுள்ளார்.

English summary

Meet Jacee, This 12 year old helped deliver her baby brother and the emotions on her face is too amazing not to share! You're a superstar jacee!