திமிங்கலம் வெடிப்பதை எங்கேயோவது பார்த்திருக்கிறீர்களா?... இங்க வந்து பாருங்க!

Published: Thursday, November 28, 2013, 15:12 [IST]

Subscribe to Oneindia Tamil

பாரோ தீவுகள், வடக்கு அட்லான்டிக்: இறந்து போன திமிங்கிலத்தின் எலும்புக் கூட்டை பாதுகாப்பதற்காக அதை அறுத்துக் கொண்டிருந்தபோது திடீரென அது எரிமலை போல வெடித்துச் சிதறியதால் அதை அறுத்துக் கொண்டிருந்த உயிரியல் துறை நிபுணர் பெரும் பீதியடைந்து போனார்.

நல்ல வேளையாக அந்த நிபுணருக்கு ஒன்றும் ஆகவில்லை. திமிங்கலத்தின் வயிற்றில் நிரம்பியிருந்த வாயுவின் அழுத்தத்தால்தான் திமிங்கலம் வெடித்துச் சிதறி விட்டதாம்.

வடக்கு அட்லான்டிக் கடலில் உள்ள பாரோ தீவில்தான் இந்த சம்பவம் நடந்துள்ளது. இதன் வீடியோ காட்சியைப் பார்த்தால் பிரமிப்பை ஏற்படுத்துகிறது.

பாரோ தீவில்

வடக்கு அட்லான்டிக்கில் உள்ளது பாரோ தீவு. இங்கு கிட்டத்தட்ட ஸ்பெர்ம் வேல் இது ஸ்பெர்ம் வேல் எனப்படும் திமிங்கலமாகும். பாரோ தீவில் உள்ள ஒரு குறுகலான வாய்க்கால் போன்ற பகுதியில் இரண்டு திமிங்கலங்கள் சிக்கிக் கொண்டு இறந்து போய் விட்டன.

எலும்புக் கூட்டைப் பாதுகாக்க முயற்சி

இதையடுத்து அந்தத் தீவில் வசிப்போர் அவற்றின் எலும்புக்கூட்டை எடுத்துப் பாதுகாப்பாக வைத்திருக்க முடிவு செய்தனர்.

வந்தார் ஜார்னி மிக்கல்சே

இதையடுத்து உயிரியல் நிபுணரான ஜார்னி மிக்கல்சேவிடம், திமிங்கலத்தை அறுக்கும் பணி ஒப்படைக்கப்பட்டது.

டமாரென வெடித்த திமிங்கலம்

ஜார்னியும் திமிங்கலத்தை அறுக்க ஆரம்பித்தார். அப்போது திடீரென திமிங்கலம் பெருத்த சப்தத்துடன் வெடித்துச் சிதறியது. அதைப் பார்த்து அதிர்ச்சி அடைந்த ஜார்னி அங்கிருந்து வேகமாக அகன்று விட்டார்.