மணிக்கு 457 மைல் வேகத்தில் வீசும் காற்றில் உங்கள் முகம் எப்படி இருக்கும் தெரியுமா?

நியூயார்க்: பார்த்தாலே பயந்து வரும் அளவுக்கு நாசா ஒரு வீடியோவை வெளியிட்டுள்ளது. அதாவது மிக மிக கடினமான ஒரு சூழலில் நமது தசையும், சதையும் எப்படி செயல்படும் என்பதை விளக்கும் வீடியோ அது.

இந்த வீடியோவை ஒரு எட்டு அடி அகல இரும்பு சுரங்கப் பாதையில் எடுத்துள்ளனர். அந்த சுரங்கத்தில் 36 பிளேடுகளைக் கொண்டு ராட்சத மின்விசிறி உள்ளது.

அந்த விசிறி மணிக்கு 36 மைல்கள் என்ற வேகத்தில் சுழல ஆரம்பிக்கிறது. அடுத்தடுத்து 7 முறை அதன் வேகம் அதிகரிக்கப்படுகிறது. உச்சமாக மணிக்கு 457மைல் வேகத்தில் அது சுழலும்போது பார்ப்பவர்களுக்கு பேயறைந்தது போல இருக்கிறது.

பயங்கர சூறாவளி...

அமெரிக்காவில் பெரும் சேதத்தை ஏற்படுத்தும் சூறாவளி கூட அதிகபட்சம் மணிக்கு 174 மைல் வேகத்தில்தான் வீசுமாம். ஆனால் இது அதை விட பல மடங்கு அதிக காற்றாக உள்ளது.

ஆய்வு...

இது மிக அபாயகரமானது மட்டுமல்லாமல் அபத்தமானது என்றாலும் கூட அதீத சூழலில் நமது திசுக்களும் செல்களும் எப்படி செயல்படுகின்றன என்பதை அறியும் ஆய்வுக்காக நடத்தப்பட்டதாகும்.

தைரியசாலி...

இது இப்போது நடந்ததில்ல. 1946ம் ஆண்டே நடந்து விட்டது. இந்த ஆய்வுக்காக முன்வந்தது ஒரே ஒரு நபர்தான். பலரும் இதைக் கேட்டு விட்டு பின்வாங்கி விடவே இவர் மட்டுமே முன்வந்துள்ளாராம்.

ஏரோநாட்டிக்ஸ் ஆலோசனைக் குழு...

இந்த ஆய்வை நடத்தியது தேசிய ஏரோநாட்டிக்ஸ் ஆலோசனைக் குழு. இதை தற்போது நாசா நிர்வகித்து வருகிறது.

நீங்கலும் பாருங்கள்...

இந்த ஆய்வுக்குட்படுத்தப்பட்ட நபர் ஒரு இருக்கையில் அமர வைக்கப்பட்டு ஆய்வக்குட்படுத்தப்பட்டார்.

வீடியோவில் அந்த நபரின் முகம் எப்படி மாறுகிறது என்பதை நீங்களும் பாருங்கள்.

English summary

The idea of enduring winds speeds of 457mph without any protective gear sounds dangerous and absurd. But in 1946, one brave person volunteered for a study that see what happens to a human face in incredibly high speed winds.