நாங்கள் சாக விரும்பவில்லை: அறிவிப்பு வெளியிட்டு பயணிகளை கலங்கடித்த விமான பணிப்பெண்
டப்ளின்: இங்கிலாந்தில் இருந்து அயர்லாந்துக்கு கிளம்பிய விமானத்தில் சிப்பந்தி பெண் ஒருவர் நாங்கள் சாக விரும்பவில்லை என்று அறிவிப்பு வெளியிட்டது பயணிகளை ஆத்திரம் அடைய வைத்தது.
இங்கிலாந்தில் உள்ள கிளாஸ்கோவில் இருந்து ரயன் ஏர் விமானம் ஒன்று அயர்லாந்தில் இருக்கும் டப்ளினுக்கு சென்றது. ஆனால் விமானம் எட்டு மணிநேரம் தாமதமாக கிளம்பிச் சென்றது.
விமானத்தில் ஏறி தங்களின் இருக்கைகளில் அமர்ந்த பயணிகள் விமானம் ஏன் புறப்படவில்லை என்று கலக்கத்தில் இருந்தனர். இந்நிலையில் விமான பணிப்பெண் ஒருவர் மைக்கில், விமானத்தின் இறகுகளில் பனி உள்ளது. நாங்கள் சாக விரும்பவில்லை என்று தெரிவித்தார்.
இதை கேட்ட பயணிகள் பலர் கூச்சலிட்டனர். இந்த சம்பவத்தை பயணி ஒருவர் தனது செல்போனில் வீடியோ எடுத்து ஃபேஸ்புக்கில் வெளியிட்டார். அந்த வீடியோ வைரல் ஆகிவிட்டது.
இது பற்றி ரயன் ஏர் நிர்வாகம் கூறுகையில்,
அந்த அறிவிப்பை வெளியிட்ட சிப்பந்தியிடம் பேசி, அவரின் தவறுக்காக மன்னிப்பு கேட்குமாறு கூறப்படும் என்று தெரிவித்துள்ளது.
Click it and Unblock the Notifications
Sign in with Google