Video: அந்தப் பையனைப் பாரு.. அவன் மட்டும் எப்படி திங்குறான் பாரு.. அடேய்.. டேய்!

Published: Monday, June 3, 2019, 19:00 [IST]

Subscribe to Oneindia Tamil

சார்லேட்: வித்தியாசமான போட்டிகளுக்கு நம்ம நாட்டில் மட்டுமல்ல.. வெளிநாடுகளிலும் கூட பஞ்சமே இல்லை. அப்படி ஒரு போட்டிதான் இது.

இது ஒரு ஐஸ்கிரீம் சாப்பிடும் போட்டி. வெயிலில் கிடந்து வாடும் நம் மக்களிடம் ஐஸ்கிரீம் கப் எத்தனை கொடுத்தாலும் வாங்கி வாயில் போட்டுக் கொள்ளத் தயங்க மாட்டோம். அப்படி இருக்கும் போது அமெரிக்காவில் நடந்த ஒரு வினோத ஐஸ்கிரீம் சாப்பிடும் போட்டியப் பார்ப்போம்.

ஐஸ்கிரீம் என்றாலே மெல்ல மெல்ல உறிஞ்சி குளிரை ரசித்து சாப்பிடுவதுதான் சுகம். நம்மவர்கள் மெதுவாக குச்சியில் எடுத்து நாவில் வைத்து ருசித்து ரசித்து கண்மூடி கிறங்கி மெல்ல மெல்ல உள்ளே விடும் சுகமே அலாதியானது. சில பேர் காலியான கப்பைக் கூட விடாமல் வழித்தெடுத்து விடுவார்கள்.

சரி அதை விடுங்க.. இந்த போட்டிக்கு வருவோம். ஒரு நிமிடத்தில் ஐஸ் கிரீம் எப்படி காலி பண்ணுகிறார்கள் என்று பார்க்க தான் ஒரு போட்டியே. அது தான் ஐஸ்கிரீம் ஈட்டிங் போட்டி . அமெரிக்காவில் களைகட்டிய இந்த திருவிழாவை பற்றியது தான் இந்த பதிவு.

குட்டீஸ்கள், பெரியவர்கள் என பிரித்து நடத்தினர். ஒரு நிமிடம் தருவார்கள். யார் வேகமாக கப்பைக் காலி செய்கிறார்களோ அவர்களே வெற்றியாளர்கள். செம காமெடியாக இருந்தது இப்போட்டி. சிறார்களுக்கான போட்டியில் ஒரு பையன் வெற்றி பெற்றான். அவன் ஐஸ்கிரீம் சாப்பிட்ட அழகே செம அழகு.. நீங்களும் பாருங்க வீடியோவை..