யூடியூப் வீடியோ தளம் அதிரி புதிரி ஃபேமசாக என்ன காரணம்? ஆராய்ச்சி முடிவு சொல்வதை பாருங்க!

By Veera Kumar

Updated: Thursday, April 23, 2015, 19:16 [IST]

Subscribe to Oneindia Tamil

லண்டன்: யூடியூப் வீடியோ சைட் எதனால் இவ்வளவு புகழ் அடைந்துள்ளது என்பது குறித்து ஃபின்லாந்து ஆல்டோ பல்கலைக்கழகம் நடத்திய ஆய்வில் சுவாரசிய தகவல்கள் வெளியாகியுள்ளன.

வீடியோக்களை ஷேர் செய்யும் இணையதளம் யூடியூப். கூகுளின் தயாரிப்பு. உலகத்தில் எந்த மூலையில் எது நடந்தாலும், வீடியோவை அடுத்த நொடியே இதில் பார்க்க முடிகிறது. ஆபாச வீடியோ முதல், ஆன்மீக தேடல் வரையில் யூடியூப்பில் விடையுள்ளது.

வெற்றிக்கான காரணம்

இந்நிலையில், யூடியூப்புக்கு போட்டியாக வேறு பல நிறுவனங்கள் தங்களது புராடக்டுகளை களமிறக்கியும் வெற்றி காண முடியவில்லை. எனவே யூடியூப்பின் வெற்றிக்கான காரணத்தை ஃபின்லாந்தை சேர்ந்த ஆல்டோ பல்கலைக்கழக ஆய்வு குழு ஆய்வு செய்ய திட்டமிட்டது. அந்த ஆய்வு முடிவுகள் தர்போது வெளியாகியுள்ளன.

காரணம் இதுதான்

ஆய்வுகுழு கண்டறிந்ததில் முக்கியமானது என்னவென்றால், உலக பிரபலமான வீடியோவின் அருகிலேயே பயனாளர்கள் தங்கள் வீடியோவையும் இடம்பெறச் செய்ய முடியும் என்பதுதான், இந்த பிரபலத்திற்கு காரணம் என்பதாகும்.

பிரபலங்கள் பக்கத்தில் இடம்

புதிதாக வெளியான ஒரு பாப்புலர் வீடியோவின் பாடல் வரிகளை எடுத்து, தான் உருவாக்கிய வீடியோவின் பின்னணியில் ஒலிக்கவிட்டு, தலைப்பில் பிரபல பாடல் வரியை கொடுத்தால் போதும், பாப்புலர் வீடியோ அருகிலேயே, பயனாளர் உருவாக்கிய வீடியோவும் இடம்பெற்றுவிடும். யாராவது யூடியூப்பில் பாப்புலரான அந்த வீடியோவை தேடும்போது, பயனாளர் உருவாக்கிய வீடியோவும் அருகிலேயே தென்படும். இதனால் பல வாசகர்களை அது ஈர்க்கும்.