நானும் எலக்ட்ரானிக்ஸ்தான் பாஸ்... சுந்தர் பிச்சைக்கு 'ஸ்வீட் ஷாக்' கொடுத்த ஷாருக்
கலிபோர்னியா: கூகுள் நிறுவன புதிய தலைமை செயலதிகாரியாக உயர்ந்துள்ள சுந்தர் பிச்சைக்கும், பாலிவுட் சூப்பர் ஸ்டார் ஷாருக் கானுக்கும் இடையிலான ஒரு சுவாரஸ்யமான சம்பாஷனை இது.
இது நடந்தது கடந்த ஆண்டு. கலிபோர்னியாவில் உள்ள கூகுள் நிறுவன தலைமையகத்தில் வைத்து இந்த உரையாடல் நடந்தது. அப்போது சுந்தர் பிச்சையும், ஷாருக்கனும் இதில் பங்கேற்றனர். கூகுள் ஊழியர்களும் பெருமளவில் (பெரும்பாலானவர்கள் இந்தியர்கள்) திரண்டு வந்திருந்து ஷாருக் பேச்சைக் கேட்டனர்.
2014, அக்டோபரில் நடந்த இந்த உரையாடலின்போது ஷாருக் கான் கூறிய தகவல்கள், சுந்தர் பிச்சையை ஆச்சரியப்படுத்தின. ஷாருக் கான் பேச்சிலிருந்து...
நான் முட்டாள் இல்லை
என்னைப் பார்ததால் முட்டாள் போல இருக்கும். ஆனால் அப்படி இல்லை. உண்மையில் நான் ஒரு புத்திசாலிதான், நம்புங்கள்.
எலக்ட்ரானிக்ஸ் படித்தவன்
நானும் எலக்ட்ரானிக்ஸ்தான் படித்துள்ளேன். அதுவும் 98 சதவீத மதிப்பெண்களுடன் படிப்பை முடித்தவன். அப்படீன்னா புத்திசாலிதானே...!
ஐஐடி என்ட்ரன்ஸ் கூட எழுதினேன்
அது மட்டுமல்ல ஐஐடி நுழைவுத் தேர்வு கூட எழுதினேன். அது இப்போது உள்ளது போல சிப்ஸ் உலகம் அல்ல. டயோடுகளும், டிரையோடுகளும் புழங்கிய உலகம் அது.
சாப்ட்வேர் என்ஜீனியர் ஆக ஆசைப்பட்டேன்
நானும் கூட சாப்ட்வேர் என்ஜீனியர் ஆகவே ஆசைப்பட்டேன். ஆனால் நடிகராகி விட்டேன். உண்மையில் நடிகராக நான் விரும்பியதே கிடையாது என்றார் ஷாருக்.
இப்ப சொல்லுங்க வர்றீங்களா..!
ஷாருக் இப்படிக் கூறியபோது குறுக்கிட்ட சுந்தர் பிச்சை. இப்போது கூட தாமதம் ஆகவில்லை. வேலையை மாத்திக்க ரெடின்னா சொல்லுங்க என்று சிரித்துக் கொண்டே கேட்டார். அதற்கு ஷாருக்கிடமிருந்து வந்த பதில் பெரிய சிரிப்பு.
Click it and Unblock the Notifications
Sign in with Google