நல்லா உத்துப் பாருங்க.. இதுல 2 பேர் மகள்கள்.. ஒருவர் தாய்.. அவர் யாருன்னு கண்டுபிடிங்க பார்ப்போம்!

Published: Tuesday, February 9, 2016, 10:39 [IST]

Subscribe to Oneindia Tamil

மும்பை: அமெரிக்காவைச் சேர்ந்த ஒரு இரட்டை சகோதரிகள் போட்டுள்ள டிவீட்டால் செம கலகலப்பு ஏற்பட்டுள்ளது. வைரல் ஆகியுள்ள இந்த டிவீட்டில், நாங்களும் எங்களது தாயாரும் இதில் உள்ளோம். இதில் எங்களது தாயார் யார் என்று கண்டுபிடியுங்கள் பார்ப்போம் என்று இவர்கள் சவால் விட்டுள்ளனர்.

என்ன காமெடி என்றால் மூன்று பேருமே பார்ப்பதற்கு ஒரே மாதிரியாக உள்ளனர். எனவே இதில் தாய் யார், மகள்கள் யார் என்பதைக் கண்டுபிடிக்க முடியாமல் பலரும் குழப்பத்துக்குள்ளாகியுள்ளனர்.

இந்த டிவீட் தற்போது வைரல் ஆகியுள்ளது. பல இணையதளங்களிலும் இதை ஷேர் செய்து வருகின்றனர். தாங்கள் குழம்புவதோடு, இதை ஷேர் செய்து மற்றவர்களையும் குழப்பியடித்து வருகின்றனர்.

கிட்டத்தட்ட இது ஒரு புதையலைக் கண்டுபிடிக்கும் விளையாட்டு போல மாறி விட்டது. இன்ஸ்டாகிராமிலும் இந்தப் படம் படு வேகமாக பரவி வருகிறது.

முதலில் வெறும் படத்தை மட்டும் வெளியிட்ட கெய்லான் மொஹாமஸ் மற்றும் அவரது சகோதரி அடுத்து ஒரு வீடியோ காட்சியை வெளியிட்டுள்ளனர். அதில் காரில் மூன்று பேரும் உள்ளனர். அதில் டிரைவர் இருக்கையில் உள்ளவர்தான் அனேகமாக அவர்களது தாயாராக இருக்கலாம் என்று ஊகிக்க முடிகிறது.

உங்களால் கண்டுபிடிக்க முடிகிறதா.. டிரை பண்ணிப் பாருங்க!

Published On February 9, 2016