நீ 'பிளேபாய்'னா... நான் 'உலக நாயகன்'டா..இன்ஸ்டாகிராமைக் கலக்கும் ஒரு கிளுகிளு போட்டி!

Published: Wednesday, August 20, 2014, 8:07 [IST]

Subscribe to Oneindia Tamil

லாஸ் ஏஞ்செலஸ்: என்னென்னமோ போட்டியெல்லாம் இந்த உலகத்துல நடக்குது பாருங்க... இன்ஸ்டாகிராமில் இப்போது இந்தப் போட்டிதான் செம ஹாட்.. அதாவது மேற்கு இந்தியத் தீவுகள் அணியின் அதிரடி வீரர் கிறிஸ் கெய்லுக்கும், இன்ஸ்டாகிராமின் பிளேபாய் என்ற செல்லப் பட்டத்துடன் ஜாலியாக உலா வந்து கொண்டிருக்கும் டேன் பில்செரியனுக்கும் இடையே யார் ஒரிஜினல் இன்ஸ்டாகிராம் பிளேபாய் என்ற போட்டி களை கட்டியுள்ளது.

இருவருமே அழகிகளுடன் இருக்கும் "அதி பயங்கர" புகைப்படங்களைப் போட்டு போட்டியை ஹீட்டாக்கிக் கொண்டுள்ளனர்.

இவர்களின் குளு குளு புகைப்பட போட்டியால் இன்ஸ்டாகிராமே கிளுகிளுப்பாகியுள்ளது. ரசிகர்கள் கூட்டம் இரு பாதையாக பிரிந்து இருவருக்கும் சரமாரியான ஆதரவுகளைப் பகிர்ந்து கொண்டிருக்கிறார்கள்.

நம்மூர் அடுத்த சூப்பர் ஸ்டார் யாரு போல..

நம்மூரில் அடுத்த சூப்பர் ஸ்டார் யாரு என்று அடித்துக் கொண்டிருப்பதைப் போல இன்ஸ்டாகிராமில் இவர்களில் யார் ஒரிஜினல் பிளேபாய் என்ற போட்டி விறுவிறுப்பாகியுள்ளது.

ரொம்ப நாளாக டேன்

டேன் பில்செரியன்தான் நீண்ட காலமாக இன்ஸ்டாகிராம் பிளேபாய் என்ற செல்லப் பட்டத்துடன் ஜாலியாக வலம் வந்து கொண்டிருக்கிறார்.

வந்துருச்சுல்ல போட்டி..

ஆனால் டேன் இனிமேல் கிறிஸ் கெய்லிடம் பிச்சை எடுக்க வேண்டியதுதான் என்று கெய்ல் ஆதரவாளர்கள் கிளம்பி விட்டனர்.

அழகிகளுடன் அமர்க்களம் செய்யும் டேன்

டேனின் பொழுதுபோக்கே அழகிகளுன் ஊர் ஊராக சுற்றுவதுதான். நிர்வாணமாகவும், அரை குறை உடையுடனும் அழகிகள் புடை சூழ அவர் அடிக்கடி எங்காவது போய் விடுவார். பின்னர் அந்தப் புகைப்படங்களை இன்ஸ்டாகிராமில் போட்டு பார்ப்பவர்களைப் பொறாமைப்பட வைப்பார்.

கெய்ல்தான் இனிமேல் ஒரிஜினல் பிளேபாய்

ஆனால் தற்போது டேனுக்கு சரியான போட்டியாக கிளம்பி வந்துள்ளார் கெய்ல். இவரும் அழகிகள் புடைசூழ அதகளப்படுத்த ஆரம்பித்துள்ளார். சரிக்குச் சரி போட்டியாக டேனுக்கு சவால் விடும் வகையில் புகைப்படங்களைப் போட்டுத் தாக்கி வருகிறார்.

டேனுக்கு 40 லட்சம்

ஆனால் டேன் பில்செரியனுக்கு இன்ஸ்டாகிராமில் 40 லட்சம் பாலோயர்கள் உள்ளனர்.

கெய்லுக்கு 70,000தான்

ஆனால் அதிரடிப் புயல் கெய்லுக்கு 70,000 பாலோயர்கள்தான் உள்ளனர். ஆனால் வெயிட் சாரே.. இன்னும் கொஞ்ச நாளில் டேனைத் துண்டைக் காணோம், துணியைக் காணோம்னு எங்காளு ஓட விடுவார் பாருங்க என்று கெய்ல் ஆதரவாளர்கள் கொக்கரிக்கின்றனர்.

நீ பிளேபாய்னா.. நான் உலக நாயகன்டா..

டேன் குறித்து கெய்ல் கூறுகையில் அவர் இன்ஸ்டாகிராமுக்கு மட்டும்தான் பிளேபாய்.. ஆனால் நான் உலக நாயகன் அதாவது வேர்ல்ட் பாஸ் என்று தொடை தட்டி சீறுகிறார்.

உறையில் ஒரு கத்திதான்

ஆனால் இந்த சவாலால் தான் பயப்படவில்லை என்று கூறுகிறார் டேன். இன்ஸ்டாகிராமில் ஒரே ஒரு பிளேபாய்தான். அது நான்தான் என்று சளைக்காமல் பதில் சவால் விடுகிறார்.