மியான்மர்: 69 அரசியல் கைதிகளுக்கு பொதுமன்னிப்பு வழங்கி அதிபர் உத்தரவு

யான்கூன்: மியான்மர் நாட்டில் மேலும் 69 கைதிகளுக்கு பொதுமன்னிப்பு வழங்கி அந்நாட்டு அதிபர் உத்தரவிட்டுள்ளார்.

இந்த ஆண்டு இறுதிக்குள் மியான்மர் நாட்டுச் சிறையில் வாடும் அரசியல் கைதிகளை விடுவிப்பதாக உறுதிமொழி அளித்திருந்தார் அந்நாட்டு அதிபர் தெயின் செயின். அதன்படி தொடர்ந்து கைதிகளுக்கு விடுதலை அறிவிக்கப் பட்டு வருகிறது.

அந்தவகையில், இன்று மேலும் 69 அரசியல் கைதிகளுக்கு பொதுமன்னிப்பு வழங்கி குடியரசுத்தலைவர் உத்தரவிட்டுள்ளார்.பொதுமன்னிப்பு வழங்கப்பட்டுள்ள அரசியல் கைதிகளில் முன்னாள் சர்வாதிகாரி வே வின்னின் 2 பேரன்களும் உள்ளனர் என்பது குறிப்பிடத்தக்கது.

விடுதலை செய்யப் பட்டவர்களைத் தவிர சிறையில் மீதம் 60 அரசியல் கைதிகளே உள்ளதாகவும், அவர்களும் அடுத்த மாதத்திற்குள் விடுதலை செய்யப் படுவார்கள் என தகவல் வெளியாகியுள்ளது.

English summary

Myanmar released 69 political prisoners on Friday in an amnesty the government described as an act of "loving kindness" in line with President Thein Sein's promise to free all prisoners of conscience by year-end.