• search
For Quick Alerts
ALLOW NOTIFICATIONS  
For Daily Alerts

போர் வேண்டாம்னு நினைச்சா ராணுவத்தை வாபஸ் வாங்கிடுங்க... இந்தியாவை மீண்டும் மிரட்டும் சீனா

By Devarajan
|

பெய்ஜிங்: சிக்கிம் பகுதியில் போர் ஆபத்து நீங்கவேண்டும் என்றால் இந்தியா உடனடியாக ராணுவ வீரர்களை வாபஸ் பெறவேண்டும் என சீனா மீண்டும் எச்சரிக்கை விடுத்துள்ளது.

சிக்கிம் பகுதியில் இந்தியா, சீனா, பூடான் ஆகிய நாடுகளின் எல்லை பகுதிகளில் முச்சந்திப்பில் டோக்லாம் உள்ளது. இதில் சீன ராணுவம் திடீரென சாலை அமைக்கும் பணியில் ஈடுபட்டது.

 Withdraw troops or face conflict, China warns India

இதனால் அதிருப்தியடைந்த இந்திய ராணுவ வீரர்கள், சீனாவின் சாலை அமைக்கும் வேலையை தடுத்து நிறுத்த முயன்றனர். அதில் இரு தரப்புக்கும் முட்டல் மோதல் நடந்தது.

பின்னர் இரு நாடுகளும் எல்லையில் ராணுவ வீரர்களை குவித்தது. இதனால் கடந்த ஜூன் மாதம் 16ம் தேதி முதல் சிக்கிம் பகுதியை போர் மேகம் சூழந்தது.

இந்தியா, பூடான்

இந்த நிலையில், 'இது ஒரு தலைப்பட்சமானது, எல்லை பிரச்சினையில் தீர்வு காணுகிற வரையில், தற்போதைய நிலையே நீடிக்க வேண்டும் என்ற ஒப்பந்தத்தை மீறுவதாகும்' என இந்தியா கடுமையாக ஆட்சேபம் தெரிவித்தது. 'சீன ராணுவம் அடாவடியாக சாலை அமைக்கத் தொடங்கியது, வட கிழக்கு மாநிலங்களை நாம் சென்றடைவதை துண்டித்து விடும்' என இந்தியா அஞ்சுகிறது. சீனாவின் நடவடிக்கைக்கு எதிராக பூடானும் கருத்துத் தெரிவித்தது.

இந்திய பத்திரிகையாளர்கள்

இந்த நிலையில் சீன அரசு, இந்திய பத்திரிகையாளர்களை சீனாவுக்கு அழைத்தது. பெய்ஜிங் அருகேயுள்ள ஹூரைராவு ராணுவ பயிற்சி முகாமுக்கு இந்திய பத்திரிகையாளர்களை அழைத்து சென்ற சீன அரசு, அங்கு அந்நாட்டு ராணுவ பலத்தை காட்டும்வகையில் விதமாக பல்வேறு நிகழ்ச்சிகளை நடத்திக்காட்டியுள்ளது.

ஆக்கிரமிப்பு

பின்னர் செய்தியாளர்களுக்கு பேட்டியளித்த சீன ராணுவ உயர் அதிகாரி கர்னல் லி லி கூறுகையில்," இந்திய ராணுவத்தினர்தான் சீன எல்லையை ஆக்கிரமிப்பு செய்தனர். சீன சிப்பாய்கள் என்ன நினைக்கிறார்கள் என்பதை நீங்கள் உங்கள் நாட்டுக்குச் சென்று சொல்லுங்கள்.

தீர்வு இருக்கிறது

என்னைப் பொறுத்தவரை நான் ஒரு போர் வீரர். பிராந்திய ஒருமைப்பாட்டை காப்பதற்காக என்னால் இயன்ற சிறப்பானதை செய்ய முயற்சிப்பேன். எங்களிடம் தீர்வு இருக்கிறது. அத்தைமட்டுமே நிறைவேற்றுவோம் என்ற உறுதியான முடிவில் இருக்கிறோம்.

வாபஸ் வாங்குங்கள்

எனவே போர் ஆபத்து நீங்க, போரைத்தவிர்க்க இந்திய படையினர் திரும்பப்பெற வேண்டும். இங்கே உங்கள் முன்பு நாங்கள் செய்து காட்டிய ராணுவ நிகழ்வுகளுக்கும், டோக்லாம் எல்லை பிரச்சனைக்கும் எந்த தொடர்பும் இல்லை." என்று தெரிவித்தார்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
China's Senior Col Li Li said, Indian Army should withdraw from the Chinese territory to avoid confrontation.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more