ஹாயாக விமான ஏசி வெண்ட்-டில் உள்ளாடையைக் காய வைக்கும் பெண்... வைரலாகும் வீடியோ!
விமானத்தில் பெண் பயணி ஒருவர் ஏசி வெண்ட்டிற்கு கீழே தனது உள்ளாடையைக் காயவைக்கும் வீடியோ வைரலாகியுள்ளது.
Recommended Video
அங்காரா: துருக்கி விமானத்தில் ஏசி வெண்ட்டிற்கு கீழே பெண் பயணி ஒருவர் தனது உள்ளாடையைக் காய வைக்கும் வீடியோ தற்போது இணையத்தில் வைரலாகப் பரவி வருகிறது.
நடுவானில் நடக்கும் சச்சரவுகள், காமெடிகள் என இணையத்தில் எப்போதும் விமானம் குறித்த செய்திகளுக்கு பஞ்சமிருக்காது. அந்தவகையில் தற்போது புதிய வீடியோ ஒன்று இணையத்தில் வைரலாகியுள்ளது. அது, விமானத்தில் மற்ற பயணிகள் முன்னிலையில் பெண் ஒருவர் உள்ளாடையை ஏசி வெண்ட்டிற்கு கீழே காயவைக்கும் வீடியோ ஆகும்.
துருக்கியின் அண்டால்யாவிலிருந்து மாஸ்கோ நோக்கிச் சென்று கொண்டிருந்த உரால் ஏர்லைன்ஸ் விமானத்தில் இந்த வீடியோ எடுக்கப்பட்டுள்ளது. காதலர் தினத்தன்று எடுக்கப்பட்ட இந்த வீடியோவை ரஷ்யாவின், 'தி பர்ஸ்ட் துலா’ என்ற வெப்சைட் யுடியூப்பில் வெளியிட்டுள்ளது.
இதில், பெண் பயணி ஒருவர் தன் முதுகுப்புறம் தெரியுமாறு அமர்ந்தவாறு, தனக்கு மேலே உள்ள ஏசி வெண்ட்டிற்கு நேராக தனது உள்ளாடையைக் காய வைக்கிறார். அதனை பின்புறம் அமர்ந்திருந்த மற்றொரு பயணி தன் செல்போனில் பதிவு செய்துள்ளார்.
அப்பெண்ணின் செயலிற்கு அங்கிருந்த மற்ற பயணிகள் யாரும் ஆட்சேபம் எதுவும் தெரிவிக்கவில்லை. அனைவரும் அமைதியாகவே இருக்கின்றனர்.
இந்த வீடியோ தற்போது இணையத்தில் வைரலாகப் பரவி வருகிறது.
கடந்த 16ம் தேதி இணையத்தில் பதிவேற்றம் செய்யப்பட்ட இந்த வீடியோவை இதுவரை 2 லட்சத்திற்கும் அதிகமானோர் பார்த்துள்ளனர்.
Click it and Unblock the Notifications
Sign in with Google