ஒபாமாவுக்கு கொலை மிரட்டல் விடுத்த 56 வயது பெண்ணுக்கு 21 மாதச் சிறை தண்டனை

வாஷிங்டன்: அமெரிக்க அதிபர் ஒபாமாவுக்கு கொலை மிரட்டல் விடுத்த 56 வயது பெண்ணிற்கு 21 மாத சிறை தண்டனை விதித்து அந்நாட்டு நீதிமன்றம் உத்தரவிட்டுள்ளது.

கடந்த ஆகஸ்ட் மாதம் அமெரிக்க அதிபர் ஒபாமாவுக்கு கொலை மிரட்டல் கடிதம் ஒன்று வந்தது. அதி தொடர்பாக போலீசார் நடத்திய விசாரணையில், அக்கடிதத்தை அனுப்பியது ஹூஸ்டனைச் சேர்ந்த டெனிஸ் ஓ நீல் என்ற 56 வயது பெண் என கண்டு பிடிக்கப் பட்டது.

அதனைத் தொடர்ந்து டெனிஸை போலீசார் கைது செய்து சிறையில் அடைத்தனர். இது தொடர்பான வழக்கு நீதிமன்றத்தில் நடந்து வந்தது.

வழக்கு விசாரணை முடிவடைந்ததை அடுத்து, குற்றம் நிரூபிக்கப் பட்டதால் டெனிஸுக்கு 21 மாத சிறை தண்டனை விதித்து நீதிபதி தீர்ப்பளித்துள்ளார்.

English summary

Federal authorities in US have sentenced a 56-year-old woman to nearly two years in jail for threatening to kill President Barack Obama, media reported.