இந்த அமெரிக்க பெண்ணுக்கு அடிச்ச அதிர்ஷ்டத்தை பாருங்க!
நியூயார்க்: அமெரிக்காவில் கிறிஸ்துமஸ் பண்டிகையையொட்டி நடந்த ரகசிய சான்டா நிகழ்ச்சியில் பெண் ஒருவரின் சான்டாவாக மைக்ரோசாப்ட் நிறுவனர் பில் கேட்ஸ் இருந்துள்ளார்.
கிறிஸ்துமஸ் பண்டிகையையொட்டி அமெரிக்காவில் ரகசிய சான்டா நிகழ்ச்சியை ரெட்டிட் என்ற இணையதளம் நடத்தியது. இதில் பலர் கலந்து கொண்டு பரிசுகளை பரிமாறிக் கொண்டனர்.
இந்த நிகழ்ச்சியில் மைக்ரோசாப்ட் நிறுவனர் பில் கேட்ஸ் கலந்து கொண்டதாக அவரது செய்தித் தொடர்பாளர் ஜான் தெரிவித்துள்ளார்.
இந்நிலையில் ரேச்சல் என்ற பெண் தனது பிளாக்கில் கூறியிருப்பதாவது, எனது ரகசிய சான்டா பில் கேட்ஸ் என்பதை அறிந்து அதிசயித்தேன். அவர் எனக்கு ஒரு பசுமாடு பொம்மை, கையெழுத்து போட்ட வாழ்த்து அட்டை, ஒரு புத்தகம் மற்றும் எனது பெயரில் ஹெய்ஃபர் இன்டர்நேஷனல் அமைப்புக்கு 500 அமெரிக்க டாலர் நன்கொடையாக வழங்கப்பட்டதன் ரசீது ஆகியவற்றை பரிசாக அளித்துள்ளார் என்று தெரிவித்துள்ளார்.
உலகின் மிகப் பெரிய பணக்காரர் தனக்கு ரகசிய சான்டாவாக வந்ததில் ரேச்சல் பெருமகிழ்ச்சியில் உள்ளார்.
Click it and Unblock the Notifications
Sign in with Google