எப்போ பாரு மைக்கை நீட்டிகிட்டு.. பெண் நிருபர் முகத்தில் சிகரெட்டால் சூடு!

By Veera Kumar

Updated: Tuesday, June 9, 2015, 17:56 [IST]

Subscribe to Oneindia Tamil

கான்பெரா: கொலை வழக்கில் செய்தி சேகரிக்க சென்ற பெண் நிருபர் முகத்தில் குற்றம்சாட்டப்பட்டவர் தரப்பை சேர்ந்தவர் சிகரெட்டால் சூடு வைத்த சம்பவம் அதிர்ச்சியை ஏற்படுத்தியுள்ளது.

ஆஸ்திரேலியாவின் குயின்ஸ்லேண்ட் பகுதியில் கடந்த ஞாயிற்றுக்கிழமை 26 வயதான ப்ரீமன் ப்ரூக்ஸ் என்பவர் குத்து காயங்களுடன் சடலமாக கண்டெடுக்கப்பட்டார். இந்த வழக்கில், அவரின் மாஜி காதலி ஸ்டீவ் ஜேன் கென்னடி குற்றவாளியாக சேர்க்கப்பட்டுள்ளார். இந்நிலையில் குற்றவாளி தரப்பை சேர்ந்த பெண் ஒருவர் சிகரெட் பிடித்தபடியே வழக்கு நடைபெற்ற கபூல்சர் கோர்ட்டுக்கு வந்தார்.

Woman stubs cigarette in reporter's face

கொலை சம்பவம் குறித்து ஆஸ்திரேலியாவின் பிரபல டிவி சேனலான நைன் நெட்வொர்க்கை சேர்ந்த பெண் நிருபர் அலெக்ஸ் பெர்னார்ட் கேள்வி எழுப்ப முற்பட்டார். பின்தொடர்ந்தபடியே உங்கள் கருத்தை கூறுங்கள் என்று பெர்னார்ட் கேட்டபடி வந்தார். ஆத்திரமடைந்த அந்த பெண், இடது கையில் சிகரெட்டை பிடித்து பெர்னார்டின் வலது பக்க கன்னத்தில் சூடு போட்டுவிட்டார். சற்றும் எதிர்பார்க்காத பெர்னார்ட் வலியால் துடித்தபடி கன்னத்தை பிடித்தபடி அமர்ந்துவிட்டார்.