அதிகரிக்கும் அபாயம்... உலகம் முழுவதும் கொரோனாவால் 184,186 பேர் இதுவரை உயிரிழப்பு

ஜெனிவா: உலகம் முழுவதும் கொரோனாவால் கடந்த 24 மணி நேரத்தில் 6,607 பேர் உயிரிழந்துள்ளனர். ஒட்டுமொத்தமாக இதுவரை 184,186 பேர் உயிரிழந்துள்ளனர். உலகிலேயே அதிக பாதிப்பை சந்தித்துள்ள அமெரிக்காவில் நேற்று ஒரு நாளில் மட்டும் 2,341 பேர் உயிரிழந்தனர்.

உலகம் முழுவதும் கொரோனா தொற்றால் 2,636,951 பேர் பாதிக்கப்பட்டுள்ளனர். இதேபோல் உலகில் கொரோனாவால் உயிரிழந்தவர்களின் எண்ணிக்கை 184,186 ஆக உயர்ந்து உள்ளது. உலகம் முழுவதும் கொரோனா தொற்றால் பாதிக்கப்பட்டவர்களில் 717,444 இதுவரை குணமாகி வீடு திரும்பி உள்ளனர். இன்று காலை நிலவரப்படி 56,686 பேர் உலகம் முழுவதும் கொரோனாவால் உடல் நிலை மோசமடைந்து தீவிர சிகிச்சை பெற்று வருகிறார்கள். 1,6,78,635 பேர் நல்ல உடல் நலத்துடன் சிகிச்சை பெற்று வருகிறார்கள்.

உலகிலேயே நேற்று அதிகபட்சமாக அமெரிக்காவில் கொரோனாவால் ஒரே நாளில் 2,341 பேர் உயிரிழந்தனர். இதன் காரணமாக அமெரிக்காவில் கொரோனாவால் இதுவரை உயிரிழந்தவர்களின் எண்ணிக்கை 47,659 ஆக உயர்ந்துள்ளது. இத்தாலியில் நேற்று மட்டும் 437 பேர் உயிரிழந்தனர். இதனால் அங்கு கொரோனாவால் பலியானவர்களின் எண்ணிக்கை 25,085 ஆக உயர்ந்துள்ளது.

ஸ்பெயின் நாட்டில் நேற்று மட்டும் 435 பேர் இறந்த நிலையில் இதுவரை மொத்தமாக 21,717 பேர் கொரோனா தொற்றால் இறந்துள்ளார்கள். பிரான்ஸ் நாட்டில் நேற்று மட்டும் 544 பேர் உயிரிழந்ததால் அங்கு பலி எண்ணிக்கை 21,340 ஆக அதிகரித்துள்ளது. இங்கிலாந்து நாட்டில் கொரோனாவால் நேற்று ஒரே நாளில் மட்டும் 763 பேர் உயிரிழந்துள்ளனர். இதனால் அங்கு கொரோனாவால் இறந்தவர்களின் எண்ணிக்கை 18,100 ஆக உயர்ந்துள்ளது.

English summary

World COVID-19 Cases: 2,636,951 Deaths 184,186, Recovered 717,444. 1,678,635 (97%) Cases in Mild Condition, yesterday new deaths 6,607