ஒரே பிரசவத்தில் 8 குட்டிகள்- அதிர்ஷ்டம் கொடுத்த உலகின் மிகப்பெரும் பிட்புல் நாய் “ஹல்க்”!
நியூயார்க்: அமெரிக்காவில் உலகின் மிகப்பெரிய பிட்புல் இன நாய் ஒன்று ஒரே பிரசவத்தில் 8 குட்டிகளைப் பெற்றுள்ளதால் அதன் உரிமையாளர் மகிழ்ச்சியில் ஆழ்ந்துள்ளார்.
உலகின் மிகப்பெரிய "பிட்புல்" இனத்தை சேர்ந்த நாயாக அங்கீகரிக்கப்பட்டுள்ள "ஹல்க்" அமெரிக்காவின் தென்கிழக்கு பகுதியில் அமைந்திருக்கும் நியூ ஹேம்ப்ஷைர் நகரை சேர்ந்த தம்பதியர் வீட்டில் வளர்ந்து வருகிறது.
அந்நாட்டின் நாய்கள் பாதுகாப்பு படையில் சிறப்பு பயிற்சி பெற்றுள்ள ஹல்க் தற்போது ஒரே பிரசவத்தில் 8 குட்டிகளை ஈன்றுள்ளது.
இந்த 8 குட்டிகளும் சேர்ந்து 2 லட்சத்து 50 ஆயிரம் டாலர்களுக்கு விலைபோகும் என்று எதிர்பார்க்கப்படுகிறது. அதுமட்டுமின்றி அமெரிக்க சிறப்பு போலீசாரின் பாதுகாப்பு படையில் சேர்ந்து நாட்டு சேவையில் ஈடுபட்டால் இந்த குட்டிகளின் உரிமையாளர்களுக்கு சுமார் 5 லட்சம் டாலர்கள் வரை வழங்கப்படலாம் என்றும் கூறப்படுகிறது. இதனால் ஹல்க்கின் உரிமையாளர் தம்பதிகள் பெரும் மகிழ்ச்சியில் ஆழ்ந்துள்ளனராம்.