தங்கமுலாம் பூசிய உலகின் விலை உயர்ந்த 'சான்ட்விச்' வெறும் ரூ.14,000 மட்டுமே!
நியூயார்க்: நியூயார்க் நகரில் உள்ள உணவகம் ஒன்றில் உலகின் விலை உயர்ந்த தங்கமுலாம் பூசிய சான்ட்விச் ரூ. 13 ஆயிரத்து 731க்கு விற்பனை செய்யப்படுகிறது.
அமெரிக்காவின் நியூயார்க் நகரில் உள்ளது செரன்பிட்டி உணவகம். தேசிய சான்ட்விச் தினத்தன்று உலகின் விலை உயர்ந்த சான்ட்விச்சை செய்ய வேண்டும் என்று முடிவு செய்ததாக உணவகத்தின் சமையல் கலைஞர் ஜோ கால்டிரானி தெரிவித்துள்ளார்.
இது குறித்து அவர் மேலும் கூறுகையில்,
நாங்கள் உலகின் விலை உயர்ந்த சான்ட்விச்சை தயாரித்துள்ளோம். சீஸ், தக்காளி உள்ளிட்டவை கொண்டு தயாரிக்கப்பட்ட சான்ட்விச்சுக்கு 23 காரட் தங்க முலாமிடப்பட்டுள்ளது. தங்கமுலாம் பூசப்பட்ட சான்ட்விட்ச்சின் விலை ரூ. 13 ஆயிரத்து 731 ஆகும் என்றார்.
உலகின் விலை உயர்ந்த சான்ட்விச்சை தயாரித்து அந்த உணவகம் கின்னஸ் சாதனை படைத்துள்ளது. செரன்டிபிட்டி உணவகத்திற்கு ஹாலிவுட் பிரபலங்களான மார்லின் மன்றோ, பாடகி பியான்ஸே, அவரது கணவர் ஜே சி ஆகியோர் சென்று சாப்பிட்டுள்ளனர்.
தங்கமுலாம் பூசப்பட்ட சான்ட்விச் வேண்டும் எனில் இரண்டு நாட்களுக்கு முன்னதாக ஆர்டர் செய்ய வேண்டும் என்பது குறிப்பிடத்தக்கது.
Click it and Unblock the Notifications
Sign in with Google