10,000 லிட்டர் கோகோ கோலா.. மொத்தமா குவிச்சு வச்சு.. வெடிக்க விட்டு.. ரஷ்யர் செய்த வெட்டி வேலை!
மாஸ்கோ: ரஷ்யாவில் 10 ஆயிரம் லிட்டர் கோகோ கோலாவை மொத்தமாக குவிக்க வச்சு யூடியூபர் ஒருவர் வெடிக்க செய்த காட்சிகள் வைரலாகி வருகின்றன.
கோகோ கோலாவுடன் பேக்கிங் சோடா அல்லது மென்டோஸ் கொண்டு வெடிக்க செய்யும் அறிவியல் செயல்முறை விளக்கம் கடந்த பல ஆண்டுகளாக நடந்து வருகிறது. ஆனால் ஒரு ரஷ்ய யூ டியூப் சேனல் வைத்திருக்கும் ஒருவர் கோகோ கோலாவை வைத்து பெரிய எரிமலை போன்று ஒரு நிகழ்வையே நடத்தி விட்டார்.
சுமார் 10 ஆயிரம் கோகோ கோலாவை பேக்கிங் சோடாவுடன் வைத்து வெடிக்க செய்த காட்சிகள் வைரலாகி வருகின்றன. மேக்ஸிம் மோனாகோவ் என்ற யூடியூபர் ஒருவர் கடந்த 4 ஆண்டுகளாக இந்த நிகழ்வுக்காக கோகோ கோலாவை சேகரித்து வைத்திருந்தார்.
மோனகோவ்
இதன் மூலம் அவர் 10 ஆயிரம் லிட்டர் கோகோ கோலாவை வைத்திருந்தார். ஒரு காலி நிலத்தின் நடுவில் ஒரு பெரிய கெய்சரை மோனகோவ் உருவாக்கினார். மோனகோவின் குழுவினர் அந்த கெய்சரில் கோகோ கோலாக்களை அடுக்கி வைத்தனர்.
பிரஷர்
பின்னர் ஒரு டப் முழுவதும் பேக்கிங் சோடாவை அந்த கெய்சரில் போட்டனர். பின்னர் அந்த கெய்சர் மேல் இருந்து கொண்டு ஒரு கயிறை இழுத்துவிட்டு மோனகோவும் அவரது குழுவை சேர்ந்த ஒருவரும் கீழே குதித்தனர். பின்னர் அந்த கெய்சரின் மேற்புர துளையிலிருந்து கேஸ் ரிலீசாகி அந்த பிரஷரில் கோகோ கோலா வெடித்தது.
ஆகஸ்ட் 21
பார்ப்பதற்கு எரிமலை போல் இருந்தது. இதை செய்ய அவருக்கு சுமார் இந்திய மதிப்பில் 6.9 லட்ச ரூபாய் செலவிட்டுள்ளார். சுமார் 20 நிமிடங்கள் ஓடக் கூடிய இந்த வீடியோவை இதுவரை 70 லட்சத்திற்கும் மேலானோர் பார்த்துள்ளனர். 1.2 லட்சம் பேர் கமென்டுகளை கொடுத்துள்ளார்கள். இந்த வீடியோ ஆகஸ்ட் 21 ஆம் தேதி பதிவேற்றம் செய்யப்பட்டது.
கார்பன் டை ஆக்ஸைடு
இதுகுறித்து கலிபோர்னியா பல்கலைக்கழகம் கூறுகையில் ஆசிட் தன்மை கொண்ட குளிர்பானத்தை பேக்கிங் சோடாவில் உள்ள கார்பனேட்டுடன் இணைக்கும் போது ஹைட்ரஜன் கார்பனேட் உருவாகிறது. இந்த ஹைட்ரஜன் கார்பனேட் உடைந்து கார்பன் டை ஆக்ஸைடு, நீராக மாறி கேஸ் போல் கொப்பளிக்கிறது என்று அந்த பல்கலைக்கழகம் தெரிவித்தது.
Click it and Unblock the Notifications
Sign in with Google