அன்னதானம் எங்க போடறீங்க.. வாட்டர் ஸ்பாட் எங்க.. அதிகாரிகளை கேள்விகளால் துளைத்த ரமேஷ்
காஞ்சிபுரம்: சட்டமன்ற தேர்தலில் திமுக, அதிமுகவை தோற்கடித்து தவெக ஆட்சியை பிடித்துள்ளது. முதலமைச்சர் விஜய்யின் செயல்பாடுகளில் ஆதரவும், எதிர்ப்பும் கலந்துள்ளது. சில விஷயங்கள் வரவேற்பையும், சில விஷயங்கள் சர்ச்சையையும் கிளப்பி வருகின்றன. அமைச்சர்கள், எம்எல்ஏக்கள் ஆய்வு என்கிற பெயரிலேயே ரீல்ஸ் வீடியோ எடுப்பதாக புகார் உள்ளது. அறநிலைத்துறை அமைச்சர் ரமேஷ் ஆய்வு பல்வேறு விவாதங்களை கிளப்பி வருகிறது. காஞ்சிபுரம் தேர் திருவிழாவில் ரமேஷ் ஆய்வின்போது அதிகாரிகளுக்கு அட்வைஸ் செய்து அறிவுறுத்தல்களை வழங்கினார்.
காஞ்சிபுரம் வரதராஜ பெருமாள் கோயில் தேரோட்டம் நடைபெற்று வருகிறது. இதை அதிகாரிகளுடன் ஆய்வு செய்த அமைச்சர் ரமேஷ் அவர்களுக்கு அறிவுறுத்தல்களை வழங்கினார். "எங்கங்கே அன்னதானம் போட போறீங்கனு காட்டுங்க. அதை தெளிவா பிளான் பண்ணணும். ஏதாவது ஒரு இடத்தில் அன்னதானம் போட்டு மக்கள் கூட்டம் கூடி அந்த இடத்தில் தேர் போக போட முடியாமல் சிக்கிவிட்டால் என்ன செய்வது. மக்கள் சாப்பிடும்போது தேர் வருவதை கவனிக்க மாட்டார்கள்.
அதிகாரிகளுக்கு அறிவுறுத்தல்
தண்ணீர் ஸ்பாட் எங்கெல்லாம் போட்ருக்கீங்க. வந்து அதையெல்லாம் காட்டுங்க. தேருக்கும், புல்டௌசருக்குமான கேப்பில் மக்கள் செல்வதை தடுக்க என்ன செய்ய போகிறீர்கள். மக்கள் கூட்டத்தை ஒழுங்குப்படுத்திவிட்டு தான் தேரை நகர்த்த வேண்டும். ஆம்புலன்ஸ், தீயணைப்பு வாகனங்கள் இருப்பதை உறுதி செய்ய வேண்டும். தேர் செல்லும் வழிகளில் எந்த வாகனத்தையும் பார்க்கிங் செய்வதற்கு அனுமதி வழங்க கூடாது.
வாகனங்கள் இருந்தால் உடனடியாக க்ளியர் செய்யுங்கள். பாதை மிகவும் குறுகலாக உள்ளது. நிறைய புட் கவுன்டர் போட்டுள்ளார்கள். அது பிரச்சனையல்ல. அங்கு அதிக மக்கள் இருந்தால் தேர் வரும்போது ஸ்டக் ஆகும். ஒவ்வொரு ஸ்டாலுக்கும் ஒரு போலீஸை டிப்ளாய் செய்யணும். எல்லா புட் மற்றும் தண்ணீர் கவுன்டர்களில் சாலைக்கு அந்தப் பக்கம் தான் மக்கள் நிற்க வேண்டும். சாலையை ஒட்டி யாரும் நிற்க கூடாது என்பதை உறுதி செய்ய வேண்டும்.
தொந்தரவு வரக்கூடாது
சைடில் உள்ள ஒயர்ககளால் எந்த தொந்தரவும் ஏற்படாத வகையில் சோதனை செய்து கொள்ளுங்கள். அலங்கார விளக்குகளுக்கான ஒயர்களால் தொந்தரவு வரக்கூடாது. இதெல்லாம் ரொம்ப சென்ஸிடிவ். பார்த்துக்கோங்க. மின் கம்பம் பக்கத்தில் பயிற்சி பெற்ற ஒருவரை நிறுத்தி வைத்து இன்ஸ்ட்ரக்சன் கொடுத்து கொண்டே இருங்க. தேர் பணிகளில் இருப்போருக்கு உடல்நிலை நன்றாக இருக்கிறதா என்பதை மருத்துவர் குழு மூலம் சோதனை செய்யுங்கள். உடல்நலம் சரியில்லை என்றால் மாற்று ஏற்பாடு செய்யணும்" என்றார்.
Click it and Unblock the Notifications
Sign in with Google