கோழிக்கடைக்காரர் என்ன செஞ்சாருன்னு பாருங்க.. உயிருடன் இருக்கும்போதே.. கிழிகிழியென உரித்து.. கொடுமை

கோழிக்கறியை துன்புறுத்தி வெட்டிய நபரை போலீசார் கைது செய்தனர்

By Hema Vandhana

Updated: Friday, April 29, 2022, 18:48 [IST]

Subscribe to Oneindia Tamil

கன்னியாகுமரி: கோழியை துடிதுடிக்க வெட்டிக் கொன்ற நபரை போலீசார் கைது செய்து விசாரித்து வருகிறார்கள்.

கன்னியாகுமரி மாவட்டம் தமிழக கேரள எல்லை பகுதியான கொல்லங்கோடு அருகே உள்ளது மேடவிளாகம் என்ற பகுதி..

இங்குள்ள கோழி கடையில் வேலை பார்த்து வரும் ஊழியர் ஒருவர், கோழியை உயிருடன் துடிதுடிக்க அறுத்துள்ளார்..

கோழிக்கறி

வழக்கமாக கோழியை பிடித்து, மிஷினில் போட்டு கொன்று, அதற்கு பிறகு சுத்தம் செய்து, கத்தியால் வெட்டி தருவது வழக்கம்.. அதாவது, கோழியின் தலையை துண்டித்துவிட்டு, உயிர் போன பிறகு, அதற்கு பிறகுதான் தோல் உரிக்கப்பட்டு துண்டுகளாக வெட்டுவார்கள்.. ஆனால், இந்த நபர், செல்போனை பார்த்து சிரித்து கொண்டே கோழியை வெட்டுகிறார்..

கதறி அழும் கோழி

அதுவும் உயிருள்ள கோழியின் தோலை உரித்து, துடிக்க துடிக்க துண்டு துண்டாக வெட்டுகிறார்... இந்த நபர் கோழியை வெட்டும்போது, அது கதறி அழுகிறது.. உடல் துள்ளி துள்ளி எழுகிறது.. ஆனால், எந்த மனவருத்தமும் இல்லாமல், மனசாட்சியும் இல்லாமல், குரூரமாக சிரித்துக்கொண்டே அந்த கோழியை வெட்டி உள்ளார்.. கோழிக்கறி வாங்க கடைக்கு போன நபர், இந்த காட்சியை பார்த்து அதிர்ச்சி அடைந்து செல்போனில் எடுத்துள்ளார்..

ஜாலியாக வெட்டுவாராம்

இந்த வீடியோ சோஷியல் மீடியாவிலும் பதிவாகிவிட்டது.. வீடியோ பார்த்த அந்த பகுதி மக்கள் அதிர்ந்தனர்.. இந்த நபர் எப்போதுமே அப்படித்தானாம்.. கோழி வாங்க போனால், எல்லா கோழியையும் இவர் கொடூரமாகத்தான் ஜாலியாக வெட்டுவாராம். எனவே, இரக்கமற்ற செயலை செய்யும் நபரை போலீசார் உடனடியாக கைது செய்ய வேண்டும் என்று சோஷியல் மீடியாவில் பொதுமக்கள் கருத்துக்களை பதிவிடஆரம்பித்தனர்..

மனு கைது

இந்த வீடியோ வைரல் ஆனதை தொடர்ந்து தமிழக, கேரளா எல்லை பகுதியான செங்கவிளை பகுதியை சேர்ந்த அந்த நபரை போலீசார் கைது செய்தனர்.. அவர் பெயர் மனு.. 36 வயதாகிறது.. விலங்குகள் பாதுகாப்பு சட்டத்தின் கீழ் வழக்கு பதிவு செய்து கொல்லங்கோடு போலீசார் கைது செய்து உள்ளனர்... மிகவும் குரூரமாக சிரித்துக்கொண்டே மகிழ்ச்சியுடன் கோழியை வெட்டிய நபரின் விடியோ இணையத்தில் பரவி வருகிறது.