வின்ஸ்டன் சர்ச்சில் மாளிகையில் இருந்து தங்க டாய்லெட் திருட்டு

லண்டன்: லண்டனில் பிரிட்டன் முன்னாள் பிரதமர் வின்ஸ்டன் சர்ச்சில் பிறந்த மாளிகையில் இருந்த தங்க டாய்லெட் திருடப்பட்டுவிட்டது.

பிரிட்டன் முன்னாள் பிரதமர் வின்ஸ்டன் சர்ச்சில் பிறந்த பிளென்ஹெய்ம் மாளிகையில் தங்கத்தினால் செய்யப்பட்ட கழிப்பறை ஒன்று இரு தினங்களுக்கு முன்பு வைக்கப்பட்டது.

அதன் மதிப்பு ஒரு மில்லியன் பவுண்ட் ஆகும். அதாவது இந்திய மதிப்பில் சுமார் 7 கோடி ரூபாய் ஆகும். இத்தாலிய கலைஞர் மௌரிஸோ கட்டெலன் இந்த தங்க டாய்லெட்டை வடிவமைத்திருந்தார்.

நியூயார்க்கின் குக்கென்ஹெய்ம் அருங்காட்சியகத்தில் காட்சிக்காக வைக்கப்பட்டிருந்தது. இந்த நிலையில் பிளென்ஹெய்ம் மாளிகையில் வைக்கப்பட்டிருந்த தங்க டாய்லெட் திருட்டு போகியுள்ளது.

டாய்லெட் திருட்டு தொடர்பாக லண்டன் போலீஸார் விசாரணை மேற்கொண்டு வருகின்றனர். குறைந்தபட்சம் 2 வாகனங்களில் இந்த டாய்லெட்டை திருடர்கள் திருடிக் கொண்டு போய் இருக்கலாம் என போலீஸார் கூறியுள்ளனர்.

English summary

Gold Toilet stolen from British Palace. Police investigation going on to catch the thieves.