இன்னும் எத்தனை நாளைக்குதான் ரோஸ், லெட்டர் குடுத்து ஐ லவ் யூ சொல்வீங்க.. இங்கிலாந்தில் போய் பாருங்க!
லண்டன்: இங்கிலாந்தில் ஒரு இளைஞர் காதலியை ப்ரபோஸ் செய்ய வித்தியாசமான முறையில் நெஞ்சில் பச்சைக்குத்தியுள்ளார்.
பொதுவாக காதலன் காதலியையும், காதலி காதலனையும் ப்ரபோஸ் செய்யும் போது வித்தியாசமான முறையை கையாள்வர். இதுபோன்ற வித்தியாசங்கள்தான் அவர்களுக்கு பிடிக்கும். இதிலிருந்து கள்ளக்காதல்களும் அடங்கும்.
இந்த நிலையில் இங்கிலாந்தின் மேற்கு பகுதியில் உள்ள கிளவ்ஸ்டர் பகுதியைச் சேர்ந்தவர் டாட்டூ எனப்படும் பச்சைக் குத்தும் இடத்துக்கு தனது தோழியை அழைத்து சென்றார்.
பெண் நண்பர்
இங்கு ஏன் அழைத்து வந்துள்ளார் என தெரியாமல் அந்த பெண்ணும் நண்பர் என்பதால் அவருடன் சென்றார். பின்னர் சர்ட்டை கழற்றி ஒரு நாற்காலியில் அமர்ந்தார் அந்த இளைஞர். பின்னர் தனது பெண் நண்பரிடம் வெளியே காத்திருக்குமாறு கூறினார்.
ஆப்ஷன்
அந்த பெண்ணும் வெளியே காத்திருந்தார். பின்னர் டாட்டூ வரையும் நபரிடம் தான் காதலை வித்தியாசமாக வெளிப்படுத்த முடிவு செய்துள்ளேன். எனவே Will you marry me? என எழுதி அதன் அருகே Yes, No என இரு ஆப்ஷன்களை பாக்ஸ் போல் போட வேண்டும் என கூறியிருந்தார்.
இரண்டில் ஒன்று
டாட்டூ போடுபவரும் அந்த இளைஞர் விரும்பியபடியே போட ஒப்புக் கொண்டார். பின்னர் எல்லாம் முடிந்தவுடன் வெளியே காத்திருந்த அந்த பெண்ணை அழைத்தார். அப்போது இந்த இரண்டிலும் ஒன்றை தொடு என்றார்.
நிச்சயம்
பின்னர் இதுக்குத்தான் என்னை அழைத்து வந்தாயா என கேட்ட அந்த பெண் Yes பாக்ஸில் கையை வைத்துவிட்டு வெட்கமடைந்தார். இதையடுத்து Heart சிம்பளை யெஸ் பாக்ஸில் மீண்டும் குத்தினார் இளைஞர். அங்கேயே காதலிக்கு மோதிரத்தையும் அணிவித்து நிச்சயதார்த்தத்தையும் அந்த இளைஞர் முடித்துக் கொண்டார்.
Click it and Unblock the Notifications
Sign in with Google